> बेरक्याला माहिती देण्यासाठी ई - मेल करा - berkya2011@gmail.com

रविवार, २९ सप्टेंबर, २०१३

२५ हजार द्या आणि चनेल चे नियुक्तीपत्र, ओळखपत्र, आणि बूम घ्या..गर्जा महाराष्ट्र माझा

२४ सप्टेंबर २०१३ ला ठाणे मध्ये गर्जा महाराष्ट्र या न्यूस चनेल चा इंटरव्यू देण्यासाठी गेलो होतो. तिथे गेल्यावर मला पुणे, अमरावती, नागपूर यवतमाळ आणि चंद्रपूर मधील काही युवा पत्रकार इंटरव्यू साठी आले होते. त्यांना भेटून आनंद झाला मी त्यांना त्यांचे अनुभव विचारले छान वाटले. नंतर चनेल च्या अंकर स्नेहल याने आवाज दिला आणि मला साक्षात्कार साठी बोलावले..मी आत फुल कॉन्फिडेंस नि प्रवेश केला पण आत इंटरव्यू घेण्यासाठी अन्केर बसला होता आणि त्याच्या बाजूला एक लपटोप घेऊन एक सज्जन बसला होता.
मग मला विचारण्यात आले कि काही सोबत आणलय मी लगेच उत्तर दिल हो मी माझा सीवी सोबत आणला आहे पण अंकर नि मला म्हटल सीवी नाही काही चेक, डीडी, कॅश ते आणल का मी लगेच आश्चर्यचकित झालो कि न्यूस चनेल चे लोक पत्रकारीते बद्दल, अनुभवाबद्दल विचारतात पण हे काही उलटच होते मग त्यांनी आपल्या अटी सांगितल्या कि २५ हजार रुपये तुम्हाला सिक्युरिटी डीपोजित चनेल च्या नावाने जमा करावे लागतील, आणि जेव्हा तुम्ही कोणती जाहिरात घ्याल तिथले ६० टक्के चनेल व ४० टक्के रिपोर्टर चे...आणि हो हे चनेल फक्त वेबसाईट वरती सुरु आहे..आणखी एक गंमत तिथले एम डि अनिल महाजन हे ज्या रिपोर्टर चे सिलेक्शन झाले त्यांना आपल्या कंपनीचा खाता नंबर देत होते..या चनेल ला पैसे दिल्यावर आय डि कार्ड व बूम भेटणार होता.
मी म्हटल मला जिल्ह्यासाठी रिपोर्टिंग करायची आहे..हे ऐकून अंकर जाम खुश झाला आणि बाजूला बसलेले सज्जन नि लपटोप वरती जिल्ह्याची माहिती घेतली आणि म्हणाले कि तुमच्या जिल्ह्यात १५ तालुके आहे तुम्ही अस करा कि प्रत्येक तालुक्याचे २५ हजार प्रमाणे ३ लाख ७५ हजार आधी जमा करा अस ऐकल्यावर मी त्वरित नकार दिला. यांना अहोरात्र झटणारे पत्रकार नकोत फक्त पैसे जमा करणारे जाहिरातदार हवेत.
या चनेल चे काही लोक एम के न्यूस मधील आहे.
सोबत या चनेल चे ऑफर लेटर मी आपल्याला पाठवत आहे .

प्रकाश डि. हांडे
चंद्रपूर, (महाराष्ट्र)
9422946649, 8657307999

 prakashhande92@gmail.com



गर्जा महाराष्ट्रकडून आलेला खुलासा

बेरोजगार तरूणांना जाहिरातीतून रोजगाराची सुवर्ण संधी, हाच गर्जा महाराष्ट्र न्यूजचा उद्देश

गर्जा महाराष्ट्र मुंबई -माध्यमांच्या युगात नव्याने पदार्पण करणाऱ्या गर्जा महाराष्ट्र न्यूज या वृत्तवाहिनीला काळाच्या ओघात अनेक व्यावसायिक आव्हानांना सामोरे जायचे आहे. या वृत्तवाहिनीचा उद्देश हा महाराष्ट्राच्या अस्मितेला राष्ट्रीय स्तरावर आणण्याचा आहे. तसेच जनसामान्यांचे प्रश्न मांडून त्यांना न्याय मिळवुन देणे हा आहे. समाजकारण, राजकारण, अर्थकारण अशा प्रत्येक क्षेत्रात मराठी भाषा आणि तिचा सन्मान जोपासणे, हे या वाहिनीचे मुख्य उद्दिष्ट आहे.
गर्जा महाराष्ट्र सर्व प्रेक्षकांना आवाहन करत आहे की, गर्जा महाराष्ट्र न्यूज ही राष्ट्रीय वृत्तवाहीनी लवकरच सुरु होत आहे. यासाठी गर्जा महाराष्ट्र न्यूज च्या कार्यालयात नवोदित पत्रकार तसेच पत्रकारीतेशी निगडीत असलेले अनेक लोक प्रत्यक्ष मुलाखतीसाठी येत आहेत. त्यानुसार गर्जा महाराष्ट्र न्यूज चे संपादकीय मंडळ हे नवोदीत चेहऱ्यांना पत्रकारीतेची संधी देत आहे. सध्या गर्जा महाराष्ट्र न्यूज च्या कार्यालयात अनेक इच्छुक पत्रकारांचे परिचयपत्र (Resume) येत असून त्यांची निवड करुनच त्यांना गर्जा महाराष्ट्र न्यूज च्या परिवारात सामिल करण्यात येत आहे. नवनियुक्त झालेल्या पत्रकारांकडून अचूक व निष्पक्ष पत्रकारिता करण्याची अपेक्षा आहे. तसेच व्यवहारिक दृष्टीकोनातुन जाहिरातींचे टार्गेट पूर्ण करणारे व्यवहारी पत्रकारांचीही नियुक्ती करण्यात येत आहे.
            गर्जा महाराष्ट्राचे जाळे देशभर पसरत असून या नावाचा आधार घेत काही व्यक्ती व संस्था बेकायदेशीररित्या गैरवापर करत असतील तर सर्वप्रथम त्यांचे आयकार्ड तपासावे व त्वरीत आमच्याशी संपर्क साधावा.
       पत्रकारीतेबरोबरच पत्रकारानां रोजगार उपलब्ध करुन देण्यासाठी गर्जा महाराष्ट्र न्युजने केवळ नवनियुक्त पत्रकारनां गर्जा महाराष्ट्र न्यूज च्या जाहिरात एजन्सी देण्याची अनोखी संधी उपलब्ध करुन दिली आहे. गर्जा महाराष्ट्र वाहिनीचा उद्देश सर्वधर्म समभाव, सर्वसामान्यांना न्याय व बेरोजगारांना रोजगार संधी उपलब्ध करून देणे हा आहे. मार्केटींग तंत्र अवगत नसणारे पत्रकार आयकार्डचा गैरवापर करून बातमी छापण्याचे किंवा न छापण्याचे गैरव्यवहार करतात. तेव्हा जनतेने सतर्क राहून अशा फसव्या पत्रकारांना न घाबरता आमच्यापर्यंत दूरध्वनी किंवा ईमेल द्वारे त्यांची माहिती कळवा. गर्जा महाराष्ट्र  वाहिनीचे व्यवस्थापन अशा पत्रकारांवर तात्काळ कायदेशीर कारवाई करेल.     

शनिवार, २८ सप्टेंबर, २०१३

डॉकयॉर्ड रोड इमारत दुर्घटनेत पत्रकार योगेश पवारचा मृत्यू

मुंबई : शुक्रवारची सकाळी पावणेसातची वेळ डॉकयार्ड रोड परिसरातील दुर्दैवी इमारतीतील 22 कुटुंबांसाठी घातवेळ ठरली.. काही कळण्याआधीच पालिकेची पाच मजली इमारत पत्त्यासारखी कोसळली.. दैनिक सकाळमध्ये अनेकांच्या दु:खाचं, अडचणींचं वार्तांकन करणारा योगेशचा या ढिगाऱ्यानं बळी घेतलाय.

एका बातमीदाराचीच बातमी झाली. योगेश पवार दैनिक सकाळमध्ये गेल्या सहा वर्षांपासून असलेला. या दुर्घटनेनं त्याचा बळी घेतला.

योगेशचे वडील अनंत पवार महापालिकेच्या मार्केट विभागात काम करायचे.. योगेश पवार त्यांच्यासोबतच एका खोलीत राहायचा.. काल इमारत कोसळल्यानंतर अनंत यांना जखमी अवस्थेत जेजे रुग्णालयात दाखल करण्यात आलं.. हॉस्पिटलमध्ये त्यांचा मृत्यू झाला.

योगेशच्या जखमी वडिलांना बाहेर काढल्यापासून योगेशचाही शोध सुरु होता, अखेर 24 तासानंतर योगेशचा मृतदेहच हाती आला.. सहकारी, मित्र आणि कुटुंबियांच्या पायाखालची जमीनच सरकली..

अवघ्या 30 वर्षाचा योगेश 2001 पासून पत्रकारितेत आहे.. आधी पुढारी आणि मग सकाळमध्ये काम करताना त्यानं अनेक मुद्दे तडीस लावले..

ट्रान्सपोर्ट आणि इन्फ्रास्ट्रक्चर या विषयांमध्ये योगेशचा हातखंडा होता.. आरटीओ कार्यालयातील घोटाळ्यांवर त्यानं लिहिलेल्या अभ्यासपूर्ण मालिकेनंतर सरकारला नवं धोरण आखावं लागलं..

योगेश मूळचा जैतापूरचा. पालिकेच्या दर्घटनाग्रस्त इमारतीत तो आणि फक्त त्याचे वडिल असे दोघेच राहायचे. त्याचं अजून लग्नही झालं नव्हतं. त्याच्या मागे आता आई, दोन भाऊ आणि लग्न झालेली बहिण असा परिवार आहे.


ABP Majha

बुधवार, २५ सप्टेंबर, २०१३

पत्रकारांनी 'जागल्या'ची भूमीका करावी - मुळी


लातूर : राष्ट्रीय ग्रामीण भागातील पत्रकारांची भूमीका मोलाची आहे. पत्रकारांनी ग्रामीण भागातील इतिहास व भुगोल माहिती करून घेतला पाहिजे. तसेच पत्रकारांनी नेहमीच 'जागल्या'ची भूमीका केली पाहिजे, असे मत माहिती व जनसंपर्क खात्याचे उपसंचालक राधाकृष्ण मुळी यांनी केले.
केंद्र सरकारच्या मनुष्यबळ व प्रशिक्षण विभागामार्फत यशदा पुणे आणि लातूर जिल्हा मराठी पत्रकार संघाच्या संयुक्त विद्यमाने लातूरच्या राजीव गांधी चौकातील विश्रामगृहात २५ ते २७ सप्टेंबर या कालावधीत आयोजित 'ग्रामीण पत्रकारांसाठी प्रशिक्षण' कार्यशाळेच्या उद््घाटनप्रसंगी ते बोलत होते. अध्यक्षस्थानी लातूर जिल्हा मराठी पत्रकार संघाचे संस्थापक अध्यक्ष चंद्रकांत मिटकरी होते. प्रमुख पाहुणे म्हणून औरंगाबाद येथील माध्यमतज्ज्ञ डॉ.वि.ल.धारूरकर, यशदाचे अधिकारी डॉ.बबन जोगदंड, पत्रकार संघाचे विद्यमान अध्यक्ष अशोक चिंचोले, दत्ता थोरे, अरूण समुद्रे, व्यंकटेश कल्याणकर आदींची उपस्थिती होती. विकास प्रशासनातील बहुमाध्यमांची भूमीका या विषयात पीएच.डी. पदवी मिळविल्याबद्दल डॉ. बबन जोगदंड यांचा सत्कार पत्रकार संघाच्या वतीने करण्यात आला. बदलत्या काळातील पत्रकारीता आणि ग्रामीण भागातील पत्रकारासमोरील आव्हाने या विषयावरही राधाकृष्ण मुळी यांनी प्रकाशझोत टाकला.
साक्षरता वाढीचा खरा फायदा वृत्तपत्रांना झाल्याचे माध्यमतज्ज्ञ डॉ.वि.ल.धारूरकर यांनी सांगितले. खेड्यातील पत्रकार हा मातीशी नाते जोडणारा असतो. त्यास पद्धतशीरपणे लेखन करण्याचे शास्त्र शिकविणे गरजेचे असते. त्यासाठी प्रशिक्षण ही संजीवनी असते, असेही ते म्हणाले. यावेळी दत्ता थोरे व अरूण समुद्रे यांचीही भाषणे झाली. अध्यक्षीय समारोप चंद्रकांत मिटकरी यांनी केला. प्रास्ताविक डॉ.जोगदंड यांनी केले. कार्यशाळेच्या आयोजनामागची भूमीका अशोक चिंचोले यांनी मांडली. सूत्रसंचालन कोषाध्यक्ष पंकज जैस्वाल यांनी केले. सरचिटणीस विजय स्वामी यांनी आभार मानले. मान्यवरांचे स्वागत संघाचे उपाध्यक्ष अरविंद रेड्डी, राजकुमार पाटील, विनोद निला, शशिकांत पाटील, काकासाहेब घुटे आदींनी केले. या कार्यशाळेत जिल्ह्यातील बहुतांश पत्रकारांनी सहभाग नोंदविला.

मंगळवार, २४ सप्टेंबर, २०१३

रोहिणी खाडीलकर - गरिबांच्या कैवारी...

मुंबई - अग्रलेखांचा बादशहा असणारे निळूभाऊ खाडीलकर यांना जयश्री आणि रोहिणी अशा दोन मुली.निळूभाऊंनी जयश्रींना 'नवाकाळ' तर रोहिणींना 'संध्याकाळ' अशी दैनिकांची वाटणी केली.नवाकाळ ब-यापैकी तग धरून असला तरी,'संध्याकाळ'ची 'संध्याकाळ' झाली आहे.
त्यामुळे रोहिणी खाडीलकर यांनी सकाळी निघणारा दैनिक काढण्याचा निर्णय घेतल्याची खबर बेरक्यापर्यंत आली आहे.'गरिबांचा कैवारी' असे त्यांच्या सकाळी निघणा-या दैनिकाचे नाव असून,लवकरच ते वाचकांच्या भेटीस येत आहे.
बेरक्याला मिळलेल्या माहितीनुसार जयश्री आणि रोहिणी यांच्यात आडवा विस्तव जात नाही.त्यामुळे जयश्रींच्या 'नवाकाळ'ला टक्कर देण्यासाठी रोहिणी ताईंचा 'गरिबांचा कैवारी' येत आहे.रोहिणी ताईच्या नव्या दैनिकाला बेरक्याच्या शुभेच्छा...

रविवार, २२ सप्टेंबर, २०१३

मराठी पत्रकार परिषदेच्या पदाधिकाऱ्यांची निवड

मराठी पत्रकार परिषदेच्या आज पिंपरी-चिंचवड येथे झालेल्या बैठकीत पुणे येथील ज्येष्ठ पत्रकार सुभाष भारद्वाज यांची परिषदेच्या उपाध्यक्षपदी फेरनिवड करण्यात आली.कोषाध्यक्षपदी अकोला येथील पत्रकार सिध्दार्थ शर्मा यांची निवड कऱण्यात आली तर कार्यकारिणीचे सदस्य म्हणून उस्मानाबाद येथील उस्मानाबाद लाइव्हचे पत्रकार सुनील ढेपे यांची नियुक्ती करण्यात आली आहे.या नियुक्तीच्या घोषणा परिषदेचे अघ्यक्ष किरण नाईक यांनी केली.या बैठकीस पत्रकार हल्ला विरोधी कृती समितीचे निमंत्रक एस.एम,देशमुख,परिषदेचे कार्याध्यक्ष चंद्रशेखर बेहेरे,सरचिटणीस संतोष पवार आणि विविध जिल्हयातील पत्रकार प्रतिनिधी उपस्थित होते.

पत्रकारांच्या हक्काची लढाई तीव्र कऱणार

राज्यातील 340 तालुक्यात शाखा विस्तार आणि साडेसात हजार पत्रकार सदस्य असलेल्या मराठी पत्रकार परिषदेच्या काल पिंपरी-चिंचवड येथे झालेल्या कार्यकारिणीच्या बैठकीत काही महत्वाचे निर्णय घेतले गेले आहेत.परिषदेचे यंदाचे अमृत महोत्सवी वर्षे असल्याने या काळात विविध उपक्रम राबविले जाणार आहेत. 1) पत्रकार जोडो अभियान राज्यात अनेक पत्रकार संघटना आहेत,त्यांच्यात आपसात मोठ्या प्रमाणात वाद आहेत एवढेच कशाला संघटनांतर्गत देखील मोठी गटबाजी असल्याने पत्रकारांमध्ये एकसंघपणा दिसत नाही.त्यामुळे आपल्या मागण्यांची पूर्तता करताना जो दबाव सरकारवर यायला हवा तो येताना दिसत नाही.अशा स्थितीत संघटनांनी आपले स्वतंत्र अस्तित्व कायम ठेवत किमान समान प्रश्नावर सर्व संघटनांनी पत्रकार हल्ला विरोधी कृती समितीच्या बॅनरखाली एकत्र यावे.पत्रकार हल्ले,पेन्शन,आरोगय विषयक सुविधा,अधिस्वीकृती पत्रिका,गृह निर्माण, पत्रकार भवन हे प्रश्न सर्वच संघटना व्यक्तिगत पातळीवर मांडत असतात पण त्याचा प्रभाव फारसा पडत नाही म्हणूनच या समान प्रश्नांच्या पुर्ततेसाठी सर्वांनी एकत्र येणे आवश्यक आहे.त्यासाठी परिषदेचे पदाधिकारी महाराष्ट्राच्या वेगवेगळ्या भागात जावून पत्रकारांना एकत्र करण्याचा प्रय़त्न करतील.या योजनेचा शुभारंभ 29 तारखेला रत्नागिरी येथून करण्यात येणार आहे एस.एम.देशमुख आणि किरण नाईक ,संतोष पवार त्यासाठी रत्नागिरी येथे जात आहेत.तसा निर्णय परिषदेच्या बैठकीत घेण्यात आला. 2) दोन दिवस ध्या संघटनेसाठी पत्रकार समाजासाठी आपले आयुष्य वेचत असतो.या साऱ्या वाटचालीत अनेक पत्रकारांचे कुटुबाकडे दुर्लक्ष होते,आरोग्याकडे दुर्लक्ष होते आपल्या प्रश्नाकडेही दुर्लक्ष होते.त्यामुळे सरकार दरबारी पत्रकारांचे अनेक प्रश्न प्रलंबित राहतात.अनेक "विद्ववान" पत्रकारांना संघटनेचं काम म्हणजे रिकाम टेकड्यांचे उध्योग आहेत असं वाटतं.मात्र ही मंडळीच जेव्हा अडचणीत येते तेव्हा त्याना आवर्जुन संघटनांची आठवण येते.आपली एकी आपल्या प्रश्नांची सोडवणूक करून घेण्यासाठी महिन्यातले फक्त दोन दिवस प्रत्येक पत्रकारांनी संघटनेसाठी द्यावेत अशी ही कल्पना आहे.दोन दिवस संघटनेसाठी अशी योजना परिषद आपल्या अमृत महोत्सवी वर्षात राबवत आहे. 3) जिल्हा अधिवेशने भरविणे पत्रकारांचे संघटन आणि पत्रकारांच्या प्रश्नांची चर्चा तसेच पत्रकारितेतील बदलते प्रवाह लक्षात घेऊन जिल्हा साहित्य संमेलनाच्या धर्तीवर एक दिवसाचे जिल्हा स्तरावर पत्रकार अधिवेशने घेऊन त्यात ग्रामीण भागातील पत्रकारांना नवे बदलाशी परिचय करून देण्याचा प्रयत्न होणार आहे विभागवार पत्रकार प्रशिक्षण शिबिरंही घेण्यात येणार आहेत.


साभार - उद्याचा बातमीदार 

खडस आणि केरकर यांचा दिव्य मराठीला रामराम

मुंबई - दिव्य मराठीच्या संपादकपदी प्रशांत दीक्षित यांची निवड झाल्यापासून मुख्य संपादक कुमार केतकर गटाची हवा टाईट झाली असून,दिव्य मराठीतून नारळ मिळण्यापुर्वीच दोघांनी दिव्य मराठीचा राजीनामा दिला आहे.
दिव्य मराठीच्या संपादकपदी प्रशांत दीक्षित यांची निवड झाल्यापासून, मुख्य संपादक कुतार केतकर गटांत अस्वस्थता निर्माण झाल्याचे वृत्त बेरक्याने यापुर्वी दोनदा प्रसिध्द केले होते.केतकर गटाच्या दोघांची विकेट पडणार असल्याचे संकेतही बेरक्याने दिले होते.अखेर हे वृत्त तंतोतंत खरे ठरले आहे.म.टा.तून आलेले समर खडस दिव्य मराठीत पॉलिटिकल ब्युरो तर लोकसत्तातून आलेले प्रसाद केरकर फिचर एडिटर म्हणून काम पहात होते.खडस आणि केरकर या दोघांनीही नारळ मिळण्यापुर्वीच दिव्य मराठीचा राजीनामा दिला आहे.
समर खडस लवकरच लोकमतमध्ये राजकीय संपादक म्हणून तर प्रसाद केरकर कृषीवलमध्ये संपादक म्हणून जॉईन होणार आहेत.
केरकर कृषीवलच्या वाटेवर असल्याचे वृत्त बेरक्याने यापुर्वीच दिले होते

शनिवार, २१ सप्टेंबर, २०१३

मटणाच्या हट्टापायी ‘गृहलक्ष्मी’च्या संपादिका पुन्हा रस्त्यावर !


मुंबई - एकेकाळी बंगला, दोन फ्लॅट, कार आणि 50 लाखांचा बँक बॅलन्स असणा-या ‘गृहलक्ष्मी’ मासिकाच्या संपादिका सुनीता नाईक (वय 65) पुन्हा एकदा रस्त्यावर आल्या आहेत. महिनाभरापूर्वी त्यांना आधार देणा-या क्रिस्टिना मिस्किटा यांच्याकडून दररोज मटणाची मागणी पूर्ण होत नसल्याने त्यांच्या घरातून बाहेर पडण्याचा निर्णय नाईक यांनीच घेतला. त्यांच्या दररोजच्या मागण्या पूर्ण करता करता मिस्किटा मात्र वैतागून गेल्या होत्या.
जवळच्याच लोकांनी फसवल्यामुळे सुनीता नाईक रस्त्यावर आल्या होत्या. मुंबईतील फुटपाथवर त्या हलाखीच्या परिस्थितीत जीवन व्यतीत करत असल्याची माहिती प्रसारमाध्यमांनी प्रकाशित केली होती. त्याची दखल घेऊन विलेपार्ले येथे राहणारे ग्रेगोरी व क्रिस्टिना मिस्किटा या दांपत्याने नाईक यांचे पालकत्व स्वीकारले. 20 ऑगस्ट रोजी नाईक यांना त्यांच्या आवडत्या कुत्र्यासह आपल्या घरी राहावयास नेले. सुरुवातीला त्यांच्या पाहुणचाराने नाईकही भारावून गेल्या होत्या. मात्र नंतर त्यांनी दररोज मटणाची मागणी सुरू केली.


‘एक-दोन वेळा आम्ही नाईक यांचा हट्ट पुरवला. मात्र, दररोज मटण खाऊ घालणे आम्हालाही परवडत नव्हते. तसेच त्यांच्या शशी या कुत्र्यावरून पतीसोबत अनेकदा वाद होत होता. 17 सप्टेंबर रोजी आमचे घर सोडण्याचा निर्णयही स्वत: नाईक यांचाच होता,’ अशी प्रतिक्रिया क्रिस्टिना यांनी माध्यमांना दिली. सुनीता नाईक सध्या वर्सोवा येथील गुरुद्वाराबाहेर आश्रयास आहेत.


कुत्र्याला खाऊ घातल्या मूठभर क्रोसिन गोळ्या
नाईक यांच्यासोबत त्यांचा शशी नामक कुत्राही क्रिस्टिना कुटुंबीयांकडे होता. एके दिवशी नाईक यांनी आपल्या कुत्र्याला मूठभर क्रोसिन गोळ्या खाऊ घातल्या. त्यामुळे भोवळ येऊन शशीचा मृत्यू झाला. त्यांचे हे वागणे ग्रेगोरी यांना आवडले नाही. त्यांनी विचारणा केली, तसेच कुत्रा आजारी असल्याचे सांगितले असते तर डॉक्टरकडेही नेले असते, असे सांगितले. मात्र ‘मी नेहमीच त्याला अशा गोळ्या खाऊ घालत होते,’ असे नाईक त्या वेळी म्हणाल्या होत्या.


नाईकांचा ‘ताठर बाणा’
हलाखीच्या आर्थिक परिस्थितीमुळे रस्त्यावर आल्यानंतरही सुनीता नाईक यांचा स्वभाव मात्र ‘ताठर’च होता. मिस्किटा यांनी आधार देण्यापूर्वीही त्या जेव्हा फुटपाथवर राहत होत्या, त्या वेळीही ‘मी भीक मागत नाही. येणारे-जाणारेच मला खायला देतात,’ अशी प्रतिक्रिया त्यांनी माध्यमांना दिली होती. आणि आता रोज मटणाच्या मेजवानीचा हट्ट पूर्ण होत नसल्याने नाईक यांनी मिळालेला आश्रय सोडून पुन्हा फुटपाथचा रस्ता धरला आहे.

http://divyamarathi.bhaskar.com/article-ht/MAH-MUM-because-of-non-veg-grilaxmis-editor-again-on-road-4381299-NOR.html

मंगळवार, १७ सप्टेंबर, २०१३

दैनिक जागरणची टीम पुन्हा औरंगाबादेत...

औरंगाबाद - गेल्या दोन वर्षापासून येणार…  येणार … म्हणून  हवा चालू  असलेल्या दैनिक जागरणची टीम पुन्हा एकदा औरंगाबादेत येउन गेली आहे. या टीमने येथील सांजवार्ताची बिल्डींग विकत घेतल्याची हवाही औरंगाबादेत पसरली आहे… मात्र याबाबत अधिकृत दुजोरा मिळाला नाही… मात्र  दैनिक जागरणच्या टीमने सांजवार्ताच्या मालकाशी चर्चा केल्याची माहिती सत्य आहे…

रविवार, १५ सप्टेंबर, २०१३

पालिकेतील पत्रकारांचे हाल

मुंबई महानगर पालिकेचे वृत्तसंकलन करण्यासाठी विविध भाषिक वृत्तपत्र आणि वृत्त वाहिन्यांच्या प्रतिनिधींची नेमणूक केली जाते. या पत्रकारांनी वृत्तसंकलन केलेल्या बातम्यांना प्रसिद्धी मिळावी म्हणून पालिकेने पत्रकारांना बसण्याची सोय म्हणून पत्रकार कक्ष उपलब्ध करून दिला आहे. यामध्ये संगणक, दूरध्वनी, फ्याक्स इत्यादी यंत्र पालिकेने देवून सर्व सोयी सुविधा देल्याचे नाटक केले असले तरी पत्रकार कक्षातील बहुतेक सगळ्या सोयी सुविधा बंद असल्याने पत्रकारांचे हाल होत आहेत. 

पत्रकार कक्षामध्ये लोकप्रतिनीधीनी दोन संगणक दिले आहेत. यामधील जुना संगणक कित्तेक वर्षे बंद आहे. नवीन संगणक एक वर्षा पूर्वी बंद पडला आहे. हा संगणक दुरुस्त करण्यासाठी कीत्तेक वेळा जनसंपर्क विभगाचे अधिकारी, कर्मचारी व संगणक दुरुस्तीसाठी विविध कर्मचाऱ्यांना घेवून येत असतात परंतु गेल्या एक वर्षात हा संगणक सुरु झालेला नाही. पत्रकारांना हे संगणक सुरु असताना बातम्या ईमेल करणे सोपे जात होते. परंतु संगणकच सुरु नसल्याने पत्रकारांना पालिकेमध्ये असताना ईमेल पाहणे, करणे या सुविधा बंद झाल्या आहेत. 

पत्रकार कक्षामध्ये दोन फ्याक्स मशीन आहेत. या फ्याक्स मशीन मधील जुनी मशीन बंद आहे. यामुळे दुसर्या एका मशीन वरच सर्व पत्रकारांना बातम्या फ्याक्स कराव्या लागत आहेत. याच मशीन वर संध्याकाळी बातम्या पाठवायची पत्रकारांची घाई असताना पालिकेकडून वृत्तपत्रांना मिळालेल्या जाहिराती फ्याक्स करण्यासाठी जाहिरात प्रतिनिधी सुद्धा येत असल्याने पत्रकार व जाहिरात प्रतिनिधी यांच्यामध्ये बहुतेक वेळेला खटके उडत असतात. पत्रकार कक्षातील एकमेव फ्याक्स मशीन सुरु असल्याने पत्रकारांना या मशिनच्या भरवश्यावर पत्रकारिता करावी लागत आहे. हि मशीन सुद्धा बंद पडल्यास पत्रकारांचे काय होणार असा प्रश्न सध्या पत्रकारांना पडला आहे. 

पालिकेच्या जुन्या इमारतीचे नुतनीकरणाचे काम चालू आहे, यामुळे पत्रकार कक्षामधील वातानुकूलन यंत्र गेले दोन दिवस बंद आहे. वातानुकुलीत पत्रकार कक्ष असल्याने बंदिस्त असलेल्या पत्रकार कक्षात सध्या वातानुकूलन सेवा बंद असल्याने पत्रकारांना प्रचंड अश्या उकाड्याचा व गुदमरण्याचा त्रास सहन करावा लागत आहे. पत्रकार कक्षामधील खिडक्या उघडल्या तरी जितके हाते तेवढे पंखे सुद्धा पत्रकार कक्षामध्ये नसल्याने गेले दोन ते तीन दिवस पत्रकार गुदमरत आपल्या बातम्या लिहून प्रसिद्धीसाठी वृत्तपत्रांकडे पाठवत आहेत. दूरध्वनी सुद्धा त्याच्या मर्जी नुसार चालू तर कधी बंद अवस्तेत असतो. या दूरध्वनीचा फायदा पालिकेमधील नोंदणीकृत पत्रकारांपेक्षा इतर भुरटे व बोगस पत्रकार मोठ्या प्रमाणात घेत असतात. 

पत्रकार कक्षामध्ये पत्रकारांचे एकीकडे हाल होत असताना पत्रकारांच्या न्याय हक्कासाठी स्थापन केलेल्या पालिका वार्ताहर संघाचे पदाधिकारी गप्प का बसत आहेत असा प्रश्न पत्रकारांकडून उपस्थित केला जात आहे. एकीकडे वार्ताहर संघाचे पादाधिकारी गप्प बसून पत्रकांचे कशे हाल होत आहेत याचा तमाशा बघत असताना जनसंपर्क अधिकाऱ्यांचे सुद्धा पत्रकारांकडे दुर्लक्ष होत असल्याने पत्रकारांमध्ये सध्या तीव्र असंतोष पसरू लागला आहे. पत्रकारांचे प्रश्न सोडवण्यापेक्षा स्वताचे प्रश्न सोडवून घेणारे पदाधिकारी आणि जनसंपर्क अधिकारी यांच्या मधील संगनमतामुळे पालिकेतील इतर पत्रकारांचे मात्र हाल होत आहेत. 

जनसंपर्क अधिकाऱ्याच्या हाताचे बाहुले बनलेल्या पदाधीकार्यांमुळे पत्रकारांचे हाल होत असल्याची चर्चा सध्या पत्रकारांमध्ये रंगू लागली आहे. जनसंपर्क अधिकारी यांनी सांगितल्या प्रमाणे सेटिंग करून बनलेले पदाधिकारी आणि कोणी जनसंपर्क विभागाविरोधात बातम्या प्रसिद्ध केल्यास त्या वृत्तपत्रांच्या जाहिराती बंद केल्या जातील अश्या दिल्या जाणाऱ्या धमक्या, जनसंपर्क अधिकाऱ्याच्या विरोधात बातम्या प्रसिद्ध करणाऱ्या वृत्तपत्रांच्या जाहिराती बंद केल्या गेल्या आहेत. यामुळे इतर लोकांचे प्रश्न सोडवण्यासाठी, इतर लोकांना न्याय देण्यासाठी लिखाण करणारे पत्रकार आपल्यावर अन्याय होत असताना स्वताच्या समस्या आपल्या वृत्तपत्रातून मांडू शकत नाहीत इतकी दहशत सध्या पत्रकारांमध्ये निर्माण झाली आहे असे म्हणण्यास काहीही हरकत नाही. 

पत्रकार कक्षामधील पत्रकारांच्या सोयी सुविधा बंद असताना लवकरच पत्रकार कक्ष इतरत्र हलवला जाणार आहे. पत्रकार कक्ष इतर ठिकाणी हलवला जात असताना पालिकेमध्ये नोंद असलेल्या पत्रकारांची बसण्याची योग्य सोय, संगणक, फ्याक्स मशीन इत्यादी सुविधा मिळेल का याबाबत सध्या पत्रकारांना प्रश्न पडला आहे. गेल्या काही वर्षात पत्रकारांच्या एक एक करून सर्व सुविधा बंद पडत असताना जनसंपर्क अधिकाऱ्यांनी काहीही ठोस अशी कारवाही केली नसल्याने मुंबईचे महापौर सुनील प्रभू व पालिका आयुक्त सीताराम कुंटे यांनी स्वतः जातीने लक्ष घालून पत्रकारांचे हाल थांबावेत अशी अपेक्षा व्यक्त केली जात आहे.

शनिवार, ७ सप्टेंबर, २०१३

चंद्रकांत पाटील यांचा आय.बी.एन- लोकमतला रामराम

मुंबई - आय.बी.एन-लोकमतमध्ये आशिष दीक्षित आणि अलका धुपकर यांना न्यूज एडिटर केल्यानंतर,इनपूट हेड तथा डेप्युटी न्यूज एडिटर चंद्रकांत पाटील यांनी राजीनामा दिल्याची चर्चा गेल्या दोन दिवसांपासून सुरू होती.अखेर त्यास दुजोरा मिळाला आहे.
चंद्रकात पाटील हे गेल्या पाच वर्षापासून आय.बी.एन-लोकमतमध्ये होते.इनपूट हेड तथा डेप्युटी न्यूज एडिटर म्हणून ते काम पहात होते. आशिष दीक्षित आणि अलका धुपकर रिपोर्टर होते.मात्र दोन दिवसांपुर्वी बॉस असलेल्या चंद्रकांत पाटील यांना अर्धचंद्र देवून आशिष दीक्षित आणि अलका धुपकर यांना न्यूज एडिटर करण्यात आले.त्यानंतर नाराज होवून चंद्रकांत पाटील यांनी राजीनामा दिला आहे.
स्पोर्टस् एडिटर संदीप चव्हाण यांनी आय.बी.एन.लोकमतमधील गलिच्छ राजकारणाला कंटाळून, राजीनामा दिल्यानंतर आणखी एकजण बाहेर पडणार असल्याचे वृत्त बेरक्याने दि.३ सप्टेंबर रोजी दिले होते.नंतर दि.६ सप्टेंबर रोजी बॉसचे झाले बॉस...चंद्रकांत पाटील यांनी राजीनामा दिल्याचे वृत्त दिले होते,त्यासही अखेर दुजोरा मिळाला आहे.
गंमतशीर बाब म्हणजे,चंद्रकांत पाटील हे संपादक निखिल वागळे यांचे अत्यंत खंदे समर्थक होते,मात्र माशी कुठे शिंकली कुणास ठाकूक,पण पाटील यांनी राजीनामा सोपवत,मी मराठीचा रस्ता धरला आहे.

धुपकर आता क्र.२ वर
संपादक निखिल वागळे यांच्यानंतर आय.बी.एन.लोकमतमध्ये क्र.२ च्या पदावर अलका धुपकर आल्या आहेत.वागळे जेव्हा रजेवर असतात,तेव्हा त्याच सर्व कारभार पहातात आणि 'आजचा सवाल' कार्यक्रमही त्याच घेतात.आय.बी.एन.लोकमतमध्ये राजेंद्र हुंजे,रेणुका रामचंद्रन,अमोल परचुरे ही सिनिअर्स मंडळी असताना,धुपकर यांना पदोन्नती देण्यात आल्यामुळे सर्वांच्या भुवया उंचावल्या आहेत.
आय.बी.एन.लोकमतमध्ये सध्या प्रचंड जातीयवाद सुरू आहे.तसेच अत्यंत गलिच्छ आणि खालच्या दर्जाचे राजकारण सुरू आहे.त्याचा फटका चॅनलला बसल्यास आश्चर्य वाटू नये.

पत्रकार लहाडे मारहाणीचा विसर

अहमदनगर - सुमारे बारा वर्षांपूर्वी लोकसत्ताचे वार्ताहर मोहनीराज लहाडे यांना शिवसेनेचे आमदार अनिल राठोड व त्यांच्या समर्थकांनी जबर मारहाण केली होती. बातमी छापल्याच्या रागातून त्यांना ऑफिसमधून उचलून नेऊन मारहाण केली होती. आता या खटल्याची सुनावणी सुरू झाली असून त्यातील एक साक्षीदार होस्टाईल झाला आहे. मात्र, पत्रकार संघटना आणि लोकसत्ता यांचेही याकडे दुर्लक्ष झाले आहे. मधल्या काळात या प्रकरणाचा अनेक विरोधी पक्षांनी राजकारणासाठी वापर केला. आता त्यांचेही याकडे दुर्लक्ष झाल्याने लहाडे एकाकी पडले आहेत. 
लहाडे यांनी त्यावेळी लोकसत्तामध्ये शिवसेनेच्या विरोधात बातमी छापली होती. त्याचा राग धरून राठोड व त्यांच्या कार्यकर्त्यांनी लहाडे यांना जबर मारहाण केली होती. त्यावर ते कित्येक महिने रुग्णालयात पडून होते. त्यावेळी लोकसत्ताने त्यांच्या पाठीशी उभा राहण्याची भूमिका घेतली. पत्रकार संघटनाही त्यांच्यामागे उभ्या राहिल्या. त्यामध्ये आमदारांसह अन्य आरोपींना अटक झाली. राठोड यांना जामिनासाठी अधिस्वीकृतीधारक पत्रकार असावा, अशी अट पोलिसांनी घातली होती. सर्वच पत्रकार विरोधात गेल्याने कोणी जामीन मिळणार नाही, अशी कल्पना होती. मात्र, एका पत्रकाराने जामीन राहण्याची तयारी दर्शविली आणि आमदार राठोड यांची सुटका झाली. पुढे दीर्घकाळ हा खटला प्रलंबित राहिला. लोकसत्तासह काही दैनिकांनी राठोड यांच्या बातम्यांवर बहिष्कार टाकला. मात्र तोही काही दिवसच टिकला. नंतर लोकसत्तासह सर्वांनी तो मागे घेत बातम्या सुरू केला. पत्रकारांच्या कार्यक्रमांनाही आमदार राठोड उपस्थित राहू लागले. त्यांच्या हस्ते सत्कारही घेतले जाऊ लागले. पुढे राजकीय पक्षांनी निवडणुकांमध्ये या प्रकरणांना उजाळा देत जाहिराती छापल्या. त्याचे भांडवल करून आमदार राठोड यांना बदनाम करण्याचा आणि मते मिळविण्याचा प्रयत्न केला. इतके दिवस रखडलेल्या या खटल्याची सुनावणी आता सुरू झाली. यामध्ये बहुतांश साक्षीदार पत्रकारच आहेत. तेही त्यावेळी लोकसत्तामध्ये असलेले. मात्र, मधल्या काळात यातील लहाडे वगळता बहुतांश पत्रकारांनी लोकसत्ता सोडून इतर पेपर जॉईन केले आहेत. त्यामुळे ते आता काय साक्ष देणार याकडे लक्ष लागले आहे. या खटल्याची पहिली तारीख चालली. त्यामध्ये एक साक्षीदार होस्टाईल झाला. त्यामुळे या खटल्याचे भवितव्य लक्षात येते. अशावेळी लहाडे यांच्यामागे कोणीही नाही, त्यामुळे ते एकाकी पडल्याचे दिसून येते. याच्या बातम्याही आता कोणी छापत नाही. त्यामुळे काय चालले आहे हेही लोकांना कळत नाही. कोठे गेल्या पत्रकार संघटना, कोठे गेले ते राजकीय फायदा घेणारे विरोधक

शुक्रवार, ६ सप्टेंबर, २०१३

बेरक्याचे अंदाज तंतोतंत खरे ठरतात कसे ?

बेरक्याचे अंदाज जवळपास ९९ टक्के खरे ठरतात, यावर फेसबुकवरील आमचे एक मित्र गंमतीने म्हणाले,राजे तुमचे अंदाज कसे काय बरोबर ठरतात,ज्योतिष्यशास्त्राची पुस्तके वाचता का ? त्यांचा हा प्रश्न वाचून,हासूच आले...विचारात पडलो...आणि भूतकाळात गर्क झालो...
 21 मार्च 2011  रोजी अगदी सहज  म्हणून बेरक्या उर्फ नारद हा ब्लॉग सुरू केला...फेसबुकवर अकौंट उघडले...या माध्यमातून मराठवाड्यातील मीडियातील बातम्या प्रथमच झळकू लागल्या...हळू - हळू पुणे,नंतर मुंबई करीत संपूर्ण महाराष्ट्रात बेरक्याची व्याप्ती झाली...ज्यांनी बातमी दिली,त्यांचे नाव गुप्त ठेवले...आमच्यामुळे कोणालाही त्रास होणार नाही,याची काळजी घेतली,त्यामुळे बेरक्यावर बातमी सांगणा-यांचा प्रचंड विश्वास निर्माण  झाला.या विश्वासातून या बातम्या मिळतात...बेरक्याचे प्रचंड सोर्स निर्माण झाले आहेत...कोणत्याही न्यूज पेपर आणि चॅनलमध्ये खुटकन् वाजले तरी,बेरक्यापर्यंत बातमी येते...जी त्या कार्यालयातही माहित नसते...बातमीची खातरजमा होते,आणि त्यातून बेरक्याच्या बातम्या ख-या ठरतात...
आम्ही ज्योतिष्यशास्त्राची पुस्तके वगैरे वाचत नाही...मात्र थर्ड लेन्स सतत जागृत असतो...हातातील  कंकणाला आरसा लागत नाही,तसेच मीडियाचे बातम्यांचे आहे...मीडियातील बातमी लपून राहत नाही,फक्त लागतो प्रचंड विश्वास,खात्री आणि लिखाणाची शैली...ती बेरक्याने मिळविली आहे...म्हणून सहज म्हणून सुरू केलेले हे अभियान आणि मिशन आमच्या अपेक्षेपेक्षा प्रचंड यशस्वी झाले आहे...अडीच वर्षात दहा लाख हिटस्चा टप्पा पार केलेला आहे...फेसबुकचे ५ हजार मित्र आणि १० हजार  Followed चे एक अकौंट हॅक होवूनही नविन दुस-या अकौंटने  ५ हजार आणि कितीतरी Followed मिळविले आहे...मात्र आम्हाला याचा माज नाही की गर्व नाही....फक्त अभिमान आहे,अभिमान याचा आहे,काही तरी आपल्या बांधवांसाठी केले म्हणून..
बेरक्यावर आपण जो विश्वास टाकला आहे,त्याला तडा जावू नये म्हणून आम्ही काळजी घेतोय...कोठे घसरणार नाही नाही याचाही विचार करतोय...सारखे एकप्रकारचे दडपण येत आहे...आम्ही एक नक्की सांगू, मिळालेल्या या यशाचा आम्ही कधीच दुरूपयोग करणार नाही...कोणाला नाहक बदनाम करणार नाही...जे चांगले आहेत,त्यांना नेहमी साथ देत राहू...जे दुर्जन आहेत,त्यांच्या शाब्दीक फटकारे देवू...बेरक्या कोणत्याही पत्रकार आणि वृत्तपत्र मालकांचा शत्रू नाही.काही चुकले तर त्या दाखविण्यासाठी एक माध्यम आहे...बाकी काही नाही...
बेरक्याने जे गुणवंत आहेत,त्यांच्यावर नेहमीच कौतुकाची,शाब्बासकीची पाठ थोपटली आहे...ज्यांच्यावर अन्याय झाला,त्यांच्यासाठी लेखणी झिजविली आहे..बेरक्या ब्लॉगच्या माध्यमातून कोणाताही वैयक्तीक स्वार्थ साधला नाही...
आम्ही काही वैयक्तीक कामात अडकलो किंवा मीडियात काही घडामोडी नसतील तर बेरक्या शांत झाला का, बेरक्या बंद पडला का अशा शंका काढत बसू नका...बेरक्याने यापुर्वी जाहीर केले आहे,आमचे नाव ओपण झाले तरी,नावासह पुढे येवू पण ब्लॉग बंद करणार नाही...
हा लेखण प्रपंच एवढ्यासाठी आहे की,आपण आपल्या ठिकाणी बेरक्या बना,मीडियातील आपल्या ठिकाणच्या ख-या बातम्या पाठवा,त्याची दखल घेतली जाईल..आपले नाव गुप्त ठेवले जाईल...मात्र एक करा,कृपया करून आपली वैयक्तीक दुश्मनी बेरक्याच्या माध्यमातून काढू नका...सर्वांच्या हिताची बातमी असेल तरच पाठवा नाही तर वैयक्तीक दुश्मनीच्या बातम्या बेरक्यावर स्थान नाही...आपले सहकार्य आहेच,ते कायम ठेवा...बेरक्याला मनापासून साथ द्या,प्रेम करा...बाकी काही अपेक्षा नाही...तुमचे प्रेम हीच आमची शिदोरी आहे...

बेरक्या उर्फ नारद

सोमवार, २ सप्टेंबर, २०१३

'बेरक्या उर्फ नारद' हे टोपण नाव का ?

अनेक नामवंत पत्रकार हे आपल्या पेपरमध्ये टोपण नावाचेच लिहित असतात. चित्रलेखाचे संपादक ज्ञानेश महाराव हे चित्रलेखामध्येच सागर राजहंस तर सकाळचे फिचर एडिटर प्रवीण टोकेकर हे ब्रिटीश नंदी या टोपण नावाने लिहितात...राज्यातील असे कितीतरी संपादक आणि पत्रकार टोपण नावाने लिखाण करीत आहेत.
महाराव असतील की टोकेकर सर असतील, हे फार मोठे प्रतिभावंत संपादक आहेत.त्यांची बरोबरी करणे शक्य नाही.त्यांची मी कधी बरोबरी करीत नाही.ते माझ्या गुरूसमान आहेत.यांचा आदर्श ठेवून मी बेरक्या उर्फ नारद या टोपण नावाने गेल्या अडीच वर्षापासून लिखाण करीत आहे.
हे आमचे टोपण नाव असले तरी,लिखाणावर काही वाद उद्भवल्यास त्याची सर्वस्वी जबाबदारी आम्ही कधीच झटकत नाही.पी.आर.बी.अ‍ॅक्टनुसार संपादकीय जबाबदारी आमच्या ख-या नावाची आहे.गेल्या अडीच वर्षात बेरक्याच्या लिखाणावर काही जणांनी हरकती घेतल्या, पण कोर्टात जाण्याची त्यांची हिंमत झाली नाही.
आमच्या लिखाणाबाबात कोणाची अब्रु गेली असेल तर जरूर त्यांनी कोर्टात अब्रुनुकसानीचा दावा दाखल करावा,त्यावेळी बेरक्या स्वत: कोर्टात हजर होईल,पण बेरक्या स्वत:च्या नावाने पुढे का येत नाही,स्वत:चा चेहरा लपवून पडद्यामागे शब्दाचे खेळ का करतो,असे बालीश प्रश्न विचारणे बंद करावे.जे आमचे फेन्डस् आहेत,त्यांना आमच्याबद्दल तक्रार नाही,मात्र जे आमचे फेन्डस् नाहीत किंवा पत्रकार नाहीत,त्यांनाच ही उठाठेव पडली आहे...
जगाला काय वाटते याचा विचार आम्ही कधी करीत नाही,आम्हाला जे वाटते तेच आम्ही लिखाण करतो,ज्यांना आमचे विचार पटत नसतील त्यांनी सरळ आम्हाला अन्फेन्डस् करावे,पण आमच्या वॉलवर कोणीही पातळी सोडून लिखाण करीत असेल,किंवा शिवराळ भाषा वापरीत असेल तर अशांची आम्हाला गरज नाही.कारण आमच्या फेन्डस् लिस्टमध्ये कितीतरी भगिनी आहेत...त्यां अशा फालतू लोकांचे लिखाण वाचून लज्जीत होत असतील तर अशा फालतू आणि तथाकथित विचारवंतांना ब्लॉक केलेलेच बरे...
बेरक्याने ब्लॉग आणि फेसबुकच्या माध्यमातून एक मोठा मंच तयार केला आहे.हा मंचावर सकारात्मक आणि साधक-बाधक चर्चा व्हावी...कोणी हा मंच घाण करीत असेल तर त्यांना उत्तरे देवून डोके खराब करण्याऐवजी त्यांना ब्लॉक करणे,हा सर्वोत्तम उपाय मी समजतो...
- बेरक्या उर्फ नारद

देशमुख यांना निंबाळकर स्मृती पुरस्कार पत्रकार प्रदान

 
फलटण तालुका ग्रामीण पत्रकार संघाच्यावतीने दिला जाणारा हरिभाऊ निंबाळकर स्मृती पुरस्कार पत्रकार हल्ला विरोधी कृती समितीचे निमंत्रक एस.एम.देशमुख यांना नियोजन मंडळाचे कार्यकारी अध्यक्ष रामराजे निंबाळकर यांच्या हस्ते मंगळवारी प्रदान करण्यात आला.
आपसातील व्यक्तिगत अथवा संघटनात्मक मतभेद किंवा हा प्रिन्टवाला तो इलेक्टा्रॉनिकवाला असे भेद बाजूला ठेऊन राज्यातील तमाम पत्रकारांनी पत्रकार हल्ला विरोधी कृती समितीच्या झेंड्याखाली एकत्र येत आक्रमक पवित्रा घेतल्या शिवाय राज्य सरकार पत्रकारांच्या प्रश्नांची दखल घेणार नाही असे मत व्यक्त करीत एस.एम.देशमुख यांनी राज्यातील पत्रकारांना एकत्र येण्याचे कळकळीचे आवाहन केले.यावेळी परिषदेचे अध्यक्ष किरण नाईक,अरविंद मेहता,माहिती उपसंचालक वर्षा शेडगे आदिंची भाषणे झाली.
 

एस.एम.देशमुख यांना याअगोदर विविध सोळा पुरस्कार मिळालेले आहेत.गेली 30 वर्षे पत्रकारितेत असलेल्या देशमुख यांची सहा पुस्तके प्रसिध्द झाली असून पत्रकारांवरील हल्ल्याच्या संदर्भात त्यांचे पुस्तक प्रसिध्दीच्या मार्गावर आहे.अनेक सामाजिक चळवळीत देशमुख यांचा पुढाकार असतो.कोकणात सेझ विरोधी आंदोलन,पाणी वाटपाच्या प्रश्नावरून लढला गेलेला लढा,आणि मुंबई-गोवा महामार्गाच्या रूदीकऱणासाठी कोकणातील पत्रकारांच्या सहकार्यानं देशमुख यांनी लढलेला प्रदीर्घ लढा ही काही त्याची उदाहरणं देता येतील.

फेसबुक वर शेअर करा

Facebook