> >> बेरक्याला माहिती देण्यासाठी ई - मेल करा - berkya2011@gmail.com

गुरुवार, १९ डिसेंबर, २०१३

नव्या वर्षात इलेक्ट्रॉनिक्स मीडियात भूकंप होणार

मुंबई - न्यूज एक्स्पेस (मराठी) चॅनल 26 जानेवारी 2014 रोजी सुरू होणार असल्याचे संकेत मिळत आहेत.या चॅनलची टीम फायनल झाली असून,दि.2 जानेवारी रोजी अनेकजण जॉईन होणार आहेत,त्यामुळे अन्य चॅनलला त्याचा फटका बसणार आहे.
न्यूज एक्स्प्रेस चॅनलच्या स्टुडिओचे काम संपत नसल्यामुळे उशिर झाल्याचे कळते.आता काम जवळपास पुर्ण झाले असून,नव्या जागेत ऑफीस या महिन्याअखेर शिफ्ट होणार आहे.
राज्यातील स्ट्रींजर रिपोर्टर नुकतेच फायनल करण्यात आले असून,या स्ट्रींजर रिपोर्टरना ऑफर लेटर देण्यात आले आहे.या चॅनलचे स्ट्रींजर रिपोर्टर नामवंत आणि अनुभवी आहेत.त्यामुळे एक दमदार चॅनल म्हणून न्यूज एक्स्प्रेस उभारी घेईल,असे अनेकांचे मत आहे.दुरदर्शनच्या सविता सातपुते, एबीपी माझाचा समीर सावंत,झी 24 तासचा पंकज इंगोले हे अँकर म्हणून जॉईन झालेले आहेत.अनेक नामवंत अँकर 2 जानेवारी रोजी जॉईन होणार असल्याचे समजते.सर्वाधिक फटका झी 24 तासला बसणार आहे.
राज्यात पुणे,औरंगाबाद,नाशिक आणि नागपूर येथे ब्युरो ऑफीस राहणार असून,या ब्युरोसाठी नावे फिक्स झाले आहेत.नागपुरात ब्युरोमध्ये जो वाद सुरू आहे,तो न्यूज एक्स्प्रेस (हिंदी)मधील आहे.मराठीसाठी अजूनही कोणीही नेमण्यात आलेला नाही.मराठीसाठी वेगळा ब्युरो राहणार असल्याचे कळते.नागपुरात सध्या मराठीसाठी एक रिपोर्टर नेमण्यात आलेला आहे.
जय महाराष्ट्रचे रिलॉंचिंग
रवी आंबेकर, मंदार फणसे, तुळशीदास भोईटे हे त्रिकुट गेल्यानंतर जय महाराष्ट्रचे कसे होणार,असे अनेकांना वाटत होते,मात्र शैलेश लांबे यांनी कचरा साफ करून नव्या दमाने काम सुरू केले आहे.सध्या या चॅनलचा लूक बदलण्यात आला आहे,तसेच दि.1 जानेवारी रोजी हे चॅनल रिलॉंचिंग करण्यात येणार असल्याचे सांगण्यात येत आहे.
जे त्रिकुटास जमले नाही,ते शैलेश लांबे यांनी करून दाखविले आहे.यापुर्वी केवळ नाव मोठे होते,पण काम छोटे होते.आता लांबेंनी खऱ्या अर्थाने कामास सुरूवात केल्याने या चॅनलबद्दल पुन्हा अपेक्षा उंचावल्या आहेत.

फेसबुक वर शेअर करा

Facebook