⚡ बेरक्या एक्सक्लुझिव्ह: 'विनोदीरावां'ची पुरती फजिती! शेठजींच्या चॅनेलमध्ये हत्ती झालाय पागल... लवकरच उडणार विकेट!

नमस्कार वाचकहो! तुमचा 'बेरक्या' पुन्हा हजर आहे शेठजींच्या चॅनेलची आणखी एक 'आतली बातमी' घेऊन. मागच्या वेळी आपण 'माणिकमोती'ची विकेट पडलेली पाहिली, पण आता नंबर लागलाय तो चॅनेलला खड्ड्यात घालणाऱ्या 'विनोदीरावां'चा! साहेबांची सध्या जी काही फजिती सुरू आहे, ती ऐकून तुम्हीही कपाळावर हात मारून घ्याल.

📉 'खालून' एक नंबर! नाव मोठं, लक्षण खोटं...

दोन वर्षांपूर्वी शेठजींनी थाटामाटात चॅनेल सुरू केलं. तेव्हा याच 'विनोदीरावां'नी पैशांच्या लालसेपोटी एका नामांकित चॅनेलला रामराम ठोकला आणि शेठजींच्या गोटात शिरले. चॅनेलच्या व्यवस्थापकाला या महाशयांनी एवढ्या मोठ्या गप्पा मारल्या होत्या की विचारू नका!

"चॅनेलला अल्पावधीतच टीआरपीमध्ये एक नंबरला आणून दाखवतो," अशी वल्गना त्यांनी केली होती. पण आज दोन वर्षे उलटून गेली, तरी चॅनेल 'खालून एक नंबर'वरच आहे! यालाच म्हणतात 'नाव मोठं, लक्षण खोटं!'

🚶‍♂️ ३९ जणांच्या फौजेचा भ्रमनिरास

स्वतःची हवा करण्यासाठी 'विनोदीरावां'नी जुन्या चॅनेलमधील तब्बल ३९ कर्मचाऱ्यांना मोठ्या पॅकेज आणि पदाचे गाजर दाखवून सोबत आणले होते. पण इथे आल्यावर सगळ्यांचाच भ्रमनिरास झाला.

यातीलच एका कर्मचाऱ्याने 'बेरक्या'कडे आपली खंत व्यक्त केली:

"आम्ही साहेबांच्या शब्दावर विश्वास ठेवून आलो. पण इथे नुसता गोंधळ आणि राजकारण! शेवटी वैतागून आमच्यातल्या ३९ पैकी जवळपास सगळ्यांनीच इतर नव्या चॅनेल्सचा रस्ता धरला. साहेब आता एकटेच उरलेत आणि त्यांचीही विकेट लवकरच पडणार आहे, हे निश्चित!"

🚓 सायबर तक्रार आणि 'पाया पडून' माफी

'विनोदीरावां'चा इतिहासही मोठा 'रंगेल' आहे. जुन्या चॅनेलमध्ये असताना ज्या संपादकाने यांना साथ दिली होती, त्यांच्याच  विरोधात या पठ्ठ्याने फेक अकाऊंटवरून खोट्या आणि बदनामीकारक पोस्ट सोडल्या होत्या.

पण जेव्हा या संपादकाने थेट सायबर सेलकडे धाव घेऊन तक्रार दाखल केली, तेव्हा साहेबांची पार हवाच गुल झाली!

"पोलिसांचा ससेमिरा मागे लागताच, हेच आमचे 'विनोदीराव' थेट संपादकाच्या पाया पडायला गेले होते आणि रडत रडत माफी मागितली होती," अशी माहिती सूत्रांनी दिली आहे.

🐘 हत्ती वेडा झालाय!

इतरांच्या विरोधात खोट्या पोस्ट सोडणारे 'विनोदीराव' सध्या 'बेरक्या'मध्ये स्वतःच्या बातम्या येऊ लागल्याने चांगलेच बिथरले आहेत. स्वतःचा बचाव करण्यासाठी आणि आपण किती 'प्रामाणिक' आहोत हे दाखवण्यासाठी त्यांची धडपड सुरू आहे.

सध्या ते न्यूज रूममध्ये "हत्ती चले बाजार, कुत्ते भुंके हजार" असा डायलॉग मारत फिरत आहेत.

बेरक्याचा टोला: अहो विनोदीराव, जे कुत्रे भुंकतायत ते तुमचीच पापं वेशीवर टांगतायत! आणि राहिला प्रश्न हत्तीचा... तर सध्या हत्ती बाजारात चालत नाहीये, तर तो 'पागल' झालाय आणि स्वतःच्याच चॅनेलला पायाखाली तुडवतोय!

लवकरच 'विनोदीरावां'ची एक्झिट कशी होते, याची 'लाईव्ह' अपडेट घेऊन बेरक्या पुन्हा येईलच! तोपर्यंत पाहात राहा...