> >> बेरक्याला माहिती देण्यासाठी ई - मेल करा - berkya2011@gmail.com

रविवार, १५ जानेवारी, २०१२

सोलापुरात दिव्य मराठीचे बॅनर फाडणारा कोण ?

सोलापूर - सोलापूर शहरात चौका - चौकात लागलेले दिव्य मराठीचे डिजीटल बॅनर रात्रीच्या वेळी फाडले जात असून, बॅनर फाडणाऱ्यांचा बोलविता धनी कोण आहे, याची चर्चा सध्या चालू आहे.
सोलापूरात लवकरच दिव्य मराठीचे आगमन होत आहे. या आगमनाच्या पार्श्वभूमीवर दिव्य मराठीने जाहिरात बाजी सुरू केली आहे.तुमची मर्जी जाणून घ्यायला येतोय, दिव्य मराठी असे डिजीटल बोर्ड शहरातील चौका - चौकात झळकू लागले आहेत.त्यामुळे सोलापुरातील काही प्रस्थापित दैनिके हादरली आहेत. त्यातून हीन प्रकारचे राजकारण सुरू झाले आहे.
सोलापुरात लागलेले दिव्य मराठीचे डिजीटल बॅनर रात्रीच्या वेळी फाडले जात आहेत.गेल्या दोन दिवसांत पाच ठिकाणचे बॅनर फाडल्याची माहिती आमच्याकडे आली आहे. त्याचा भक्कम पुरावा असणारे हे फाडलेले बॅनर रंगभुवन परिसरातील आहे.असे थर्ड क्लासचे राजकारण कोणते वृत्तपत्र करू शकते,याची उघड चर्चा चालू आहे. दिव्य मराठीने यासंदर्भात पोलीसांत तक्रार नोंदविल्याचेही वृत्त आहे.

फेसबुक वर शेअर करा

Facebook