लोकमत कर्मचा-यांची नागपुरात निदर्शने

नागपूर - न्यायमुर्ती मजिठिया वेतन आयोगाची लोकमतने अंमलबजावणी करावी, या मागणीसाठी लोकमत श्रमिक संघटनेच्या वतीने लोकमत भवनसमोर निदर्शने करण्यात आली.या निदर्शनामुळे लोकमत प्रशासनची कोंडी झाली होती.
पत्रकार - गैरपत्रकार कर्मचा-यांच्या वेतनवाढी संदर्भात न्यायमुर्ती मजिठिया वेतन आयोग नेमण्यात आला होता. केंद्र सरकारने ११ नोव्हेबर २०११ रोजी या आयोयाची अंमलबजावणी करण्याचा अध्यादेश जारी केला.मात्र लोकमत प्रशासनाने त्याची अद्याप अंमलबजावणी केली नाही.
या आयोगाची अंमलबजावणी करावी,या मागणीसाठी लोकमत श्रमिक पत्रकार संघटनेने आंदोलन सुरू केले आहे.त्याचाच भाग म्हणून, लोकमत भवन समोर जोरदार निदर्शने करण्यात आली व निषेधाच्या घोषणा देण्यात आल्या.यावेळी संघटनेचे अध्यक्ष संजय येवले यांनी, या वेतन आयोगाची अंमलबजावणी न केल्यास आंदोलनाची व्याप्ती वाढविण्याचा इशारा दिला.यावेळी हितवाद श्रमिक संघटनेचे सरचिटणीस काशिनाथ मटाले यांनी मार्गदर्शन केले.

Post a Comment

0 Comments