> बेरक्याला माहिती देण्यासाठी ई - मेल करा - berkya2011@gmail.com

रविवार, १४ ऑक्टोबर, २०१२

बिझनेस मिटमध्ये 'व्हिजन'वार्ताचे व्हिजन...

डॉ.रावसाहेब मगदूम
कोल्हापूर - १ कोटी वाचकांच्या विचारातून जन्माला येत असलेल्या दै.व्हिजन वार्ताची सकारात्मक भूमिका व्यवस्थापकीय संपादक डॉ.रावसाहेब मगदूम यांनी  येथे अ‍ॅडव्हर्टायझिंग एजन्सीज बिझनेझ मिटमध्ये मांडली.आस्माच्या वतीने आयोजित जाहिरात व्यवसाययिकांच्या राज्यव्यापी परिषदेचा समारोप आज येथे झाला.यावेळी डॉ.मगदूम यांनी मांडलेल्या भूमिकेचे उपस्थितांनी टाळ्या वाजवून स्वागत केले.
व्हिजन प्रकाशनाच्या माध्यमातून मोठ्या प्रमाणात सामाजिक कामे करूनही प्रस्थापित दैनिकांनी त्याची योग्य दखल घेतली नाही.दैनिकात जाहिरातदारांना बातमीच्या स्वरूपात योग्य स्थान दिले जात नाही,याचे दु:ख मी क्लाएंट म्हणूनही भोगले आहे,असे सांगून डॉ.मगदूम यांनी व्हिजन वार्तामध्ये मात्र जाहिरातदार आणि त्यांचे क्लाएंटस् यांची प्रगती साधण्यासाठी योग्य प्रसिध्दी दिली जाईल,अशी ग्वाही दिली.व्हिजन वार्तामध्ये गुन्हेगारी बातम्या,सेक्सच्या जाहिराती, मटका,लॉटरी अशा गोष्टी नसतील, अशी माहिती डॉ.मगदूम यांनी देताच, उपस्थितांनी त्याचे टाळ्या वाजवून स्वागत केले.
महाराष्ट्रामध्ये १ कोटी १० लाखांपेक्षा जास्त लोकांचा सव्र्हे करून,त्यांच्या मागणीप्रमाणे अंकाची रचना करण्यात आली आहे.गुन्हेगारी बातम्या नको, ही ९५ टक्यापेक्षा जास्त लोकांची मागणी आहे.म्हणूनच आम्ही हा प्रयोग करीत आहोत.अंक बुकींगच्या माध्यमातून आहाला मिळणारा प्रचंड प्रतिसाद म्हणजे आमचे धोरण योग्य असल्याची पावतीच आहे, असेही डॉ.मगदूम यांनी स्पष्ट केले.सध्या सिंधुदुर्ग जिल्ह्यात व्हिजनवार्ताची मुहूर्तमेढ रोवून,वर्षभराच्या कालावधीत संपूर्ण महाराष्ट्रात सकारात्मक विचाराचे हे दैनिक पोहोचेल,अशी माहितीही डॉ.मगदूम यांनी यावेळी दिली.
आस्माचे अध्यक्ष अमर पाटील आणि त्यांच्या सहकार्यांनी एक महत्वाची बिझनेस मिट कोल्हापुरमध्ये घेतली, याबद्दल डॉ.मगदूम यांनी त्यांचे अभिनंदन केले.दोन दिवस चाललेल्या या बिझनेस मिटमध्ये महाराष्ट्रातील नामांकित अ‍ॅडव्हर्टायझिंग एजन्सीचे प्रतिनिधी मोठ्या प्रमाणात उपस्थित होते.

फेसबुक वर शेअर करा

Facebook