मुंबई वृत्तपत्रांचा भुखंड घोटाळा, लोकमत,पुढारी,गांवकरी,सामनाच्या चौकशीचे आदेश तर तरूण भारत आणि विवेककडून वसुलीचे आदेश

मुंबई - वृत्तपत्र प्रिंटीग प्रेस,कार्यालय आणि कार्यालयीन कर्मचा-यांसाठी निवासस्थाने यासाठी राज्य सरकारच्या सिडकोकडून नवी मुंबईत मोक्याच्या ठिकाणी स्वस्तात भुखंड घेवून,ते बिल्डरला महागड्या किंमतीत विकणा-या लोकमत,पुढारी,गांवकरी,सामना,तरूण भारत आणि सा.विवेकला मुंबई उच्च न्यायालयाने शुक्रवारी मोठा दणका दिला आहे.ऐवढेच नाही तर तरूण भारतकडून ४ कोटी आणि सा.विवेककडून ९३ लाख रूपये वसूल करण्याचे आदेश दिले आहेत.तसेच अन्य चार वृत्तपत्राच्या भुखंड घोटाळ्याच्या चौकशीचे आदेश दिले आहेत.

मुंबईसह राज्यात अनेक ठिकाणी राज्य सरकारने वृत्तपत्रासाठी प्रिंटींग प्रेस,कार्यालय,कर्मचा-यांसाठी निवासस्थाने यासाठी स्वस्तात भूखंड दिलेले आहेत.मात्र वृत्तपत्राच्या मालकांनी त्याचे श्रीखंड केले आहे.त्याला आता मुंबई उच्च न्यायालयाने मोठी चपराक दिली आहे.

नवी मुंबईत मुख्य रस्त्यालगत मोक्याच्या ठिकाणी राज्य सरकारच्या सिडको विभागाने सन २००४ मध्ये लोकमत,पुढारी,गांवकरी,सामना,तरूण भारत आणि सा.विवेकसाठी १० हजार स्वेअर फुटपेक्षा जास्त आकाराचा भुखंड अत्यंत स्वत:त दिलेला आहे.या भुखंडावर संबंधित वृत्तपत्रांनी स्वत:चे पेपरचे प्रिंटींग युनिट,कार्यालय,कर्मचा-यांसाठी निवासस्थाने बांधण्यासाठी निर्देश दिले होते.मात्र त्यापैकी काही वृत्तपत्रांच्या मालकांनी हे भुखंड बिल्डरला करोडो रूपयाला विकूण टाकले आहेत.तसेच या जागेवर प्रिंटींग युनिटऐवजी मंगल कार्यालय,दुकाने बांधून भाड्याने दिलेली आहेत.

या हेराफेरी संदर्भात संदीप ठाकूर यांनी मुंबई उच्च न्यायालयात जनहित याचिका दाखल केली होती.या याचिकेवर निर्णय देताना,उच्च न्यायालयाने चांगलाच दणका दिला.तरूण भारतकडून चार कोटी तर सा.विवेककडून ९३ लाख रूपये वसूलीचे आदेश दिले आहेत.तसेच अन्य चार वृत्तपत्राची चौकशी करण्याचे आदेश दिले आहेत.

वृत्तपत्रे नेहमीच आदर्श असो अथवा अन्य भुखंड घोटाळा,त्याची भली मोठी देतात,आता वृत्तपत्राच्या या भुखंड घोटाळयाची कोण बातमी देणार,याकडे लक्ष लागले आहे.