> बेरक्याला माहिती देण्यासाठी ई - मेल करा - berkya2011@gmail.com

गुरुवार, २२ ऑगस्ट, २०१३

मुंबईत महिला फोटोग्राफरवर गँगरेप

मुंबई: महालक्ष्मीजवळ शक्ती मिल परिसरात एका मासिकाच्या महिला फोटोग्राफरवर सामूहिक बलात्कार झाल्याची खळबळजनक घटना घडली आहे. गुरुवारी संध्याकाळी सुमारे 5 वाजण्याच्या सुमारास ही घटना घडल्यांचं सांगण्यात येतं आहे. या महिलेवर जसलोक रुग्णालयात उपचार सुरु असून तिची प्रकृती स्थिर आहे.

पीडित महिला ही एका मासिकात फोटाग्राफर म्हणून काम करते. ती आपल्या मित्रासोबत शक्ती मिलचे फोटो काढण्यासाठी गेली होती. त्यावेळी तिथे आलेल्या दोन तरुणांनी येथे फोटो काढण्यासाठी परवानगीची गरज असल्याचं सांगत महिलेला तिथून आत घेऊन गेले आणि तिच्यावर अत्याचार केला.

यावेळी त्या 2 तरुणांसोबत असलेल्या इतरांनीही तिच्यावर अत्याचार केल्याचं सांगण्यात येतंय.

याप्रकरणी एन एम जोशी पोलीस स्टेशनमध्ये गुन्हा दाखल कऱण्यात आला असून 10 संशयितांना पोलिसांनी ताब्यात घेतलं आहे.

गृहमंत्र्यांचं आश्वासन

या सर्व घटनेनंतर गृहमंत्री आर आर पाटील यांनी जसलोक रुग्णालयात जाऊन पीडित महिलेची भेट घेतली. या सर्व प्रकऱणाची गंभीरपणे दखल घेऊन आरोपींना लवकरात लवकर पकडू असं आश्वासन आर आर पाटील यांनी दिलं आहे.

आर आर, राजीनामा द्या- फडणवीस

दरम्यान, राज्यातील कायदा आणि सुव्यवस्थेचा बोजवारा उडाला आहे. मुंबई सुरक्षित शहर न होता, ते बलात्कारी शहर होत आहे, असा आरोप भाजप प्रदेशाध्यक्ष देवेंद्र फडणवीस यांनी केला आहे. तंसच याप्रकरणी आर आर पाटील यांनी राजीनामा द्यावा, अशी मागणीही फडणवीस यांनी केली आहे.

पत्रकार हल्ला विरोधी कृती समितीकडून निषेध
मुंबईत महिला फोटोग्राफरवर झालेल्या सामूहिक बलात्कार घटनेचा पत्रकार हल्ला विरोधी कृती समितीने तीव्र शब्दात निषेध व्यक्त केला आहे.
 समितीचे निमंत्रक एस.एम.देशमुख यांनी सांगितले, की औरंगाबाद येथे दि.24 आणि 25 ऑगस्ट रोजी होणाऱ्या मराठी पत्रकार परिषदेच्या अधिवेशात या घटनेचा निषेध म्हणून पत्रकार काळ्या फिती लावून,अधिवेशनात सहभागी होतील,तसेच या दिवशी उग्र आंदोलन करण्यात करण्यात येणार आहे.
हे उग्र आंदोलन काय असेल,याचा तपशिल देशमुख हे औरंगाबादेत जाहीर करणार आहेत.

मुंबईत महिला फोटोग्राफरवर बलात्कार करणाऱ्या आरोपींचे रेखाचित्रे...




 

फेसबुक वर शेअर करा

Facebook