दहिहंडी स्पर्धा भरविणे,हे मुंबईतील काही लोकांचा धंदा झाला.या स्पर्धेच्या नावाखाली लाखो रूपये उकळले जातात.नंतर दहिहंडी फोडण्यासाठी लाखो रूपये बक्षिस ठेवले जाते.ते फोडण्यासाठी अनेकजण आपला जीव धोक्यात घालतात.काल झालेल्या दहिहंडी स्पर्धेच्यावेळी दोघांना आपला जीव गमवावा लागला तसेच अनेकांना जखमी व्हावे लागले.या स्पर्धेच्या वेळी पोलीस यंत्रणेवरही मोठा ताण होता.
दुसरीकडे न्यूज चॅनलवाल्यांनीही त्यात हात धुवून घेतला.या स्पर्धेचे थेट प्रक्षेपण दाखविण्यासाठी एका ओ.बी.व्हॅनचा रेट जवळपास ८ लाख होता.तसेच कव्हरेज करण्यासाठीसाठी देणगी उकळण्यात आली.कालचा दिवस संपादकांच्या हातात नव्हता तर मँनेजमेंटच्या हातात होता.
प्रिंट मीडियात पेड न्यूजचा जसा प्रकार चालतो,तसाच आता इलेक्ट्रॉनिक मीडियातही अश्या स्पर्धा आणि कार्यक्रम दाखविण्यासाठी धंदा होवून बसला आहे.येणा-या लोकसभा निवडणुकीत असे प्रकार सर्रास होणार आहेत,त्याचे संकेत मिळत आहेत.अनेक मराठी न्यूज चॅनलने दहिहंडीमध्ये लोणी खाल्याने त्याची खमंग चर्चा चालू आहे.
