> >> बेरक्याला माहिती देण्यासाठी ई - मेल करा - berkya2011@gmail.com

मंगळवार, १६ सप्टेंबर, २०१४

'नो पेड न्यूज'! छे, छे; चक्क 'पेड पेज'!

महाराष्ट्राच्या काही भागात नव्याने आलेल्या एका बाहेरच्या राज्यातील दैनिकाने 'नो पेड न्यूज'ची टिमकी मिरवीत स्वत:ची पाठ थोपटून घेतली. मात्र, सध्याच्या व्यावसायिक युगात हा चक्क वाचकांना 'उल्लू बनाविंग'चा प्रकार आहे. अर्थात महाराष्ट्रातील वाचक काही दुधखुळा नाही. आणि राजकारणी तर पक्के मुरलेले आहेत. अनेक राजकारणी सुशिक्षित आहेत. त्यांना आज उल्लू बनविले जाईल; पण उद्या ते या भंपक वृत्तपत्राला किंवा या वृत्तपत्राच्या भंपकपणाचा जाब विचारल्याशिवाय राहणार नाहीत.
 'पेड न्यूज' आता तशा सर्रास सर्वच छापतात. तो व्यवसायाचा भाग आहे. मंत्र तसे धंदेही करायचे आणि 'मी नाही त्यातली' असा आव आणायचा, असे काम 'बाहेरच्या बाजारबसव्या'च करू शकतात. यांनी सरळ-सरळ धंदा केला असता तर कुणाला काही वावगे वाटले नसते. मात्र, सती सावित्रीचा आव आणायचा आणि व्यवसायाच्या बाजारात 'छुपके-छुपके' पद्धतीने 'बारगर्ल'सारखा धंदा करायचा, ही कुठली पत्रकारितेतील नीतिमत्ता आणि पवित्रता आहे. जर हा फतवा भोपाळशेठचा नसेल तर मग खाली कोणीतरी गोल-माल करतेय!
आता या भोपाळशेठकडे काही राम उरलेला नाही. जसा डेप्युटी इंजिनीअर म्हणजे उप-अभियंता; डेप्युटी चीफ मिनिस्टर म्हणजे उप-मुख्यमंत्री तसा डेप्युटी एडिटर म्हणजे कोण? - उप संपादक! मग 'सब'वाला उपसंपादक मोठा की 'डेप्युटी'वाला? असो! तर 'नो पेड न्यूज'वाले गावोगाव हिंडत आहेत. ऑफर आहे 'पेड पेज'ची. निवडणूक प्रकार काळात उमेदवाराचे कार्य एक पानभर 'एडिटोरिअल कंटेंट' म्हणून छापायचे. म्हणजे एक फुल पेज जाहिरात. रेट? ही जरा हाय-फाय, बाहेरची 'गर्ल' आहे; तिचा रेट आहे एक लाख!
एकावेळचे एक लाख म्हणजे वाचकांना उल्लू बनवून जाहिरात वाटणार नाही अशा पद्धतीने एका फुल पेजचे एक लाख! त्यावार फ्री काय - प्रचाराच्या बातम्या, चांगले-चांगले, गुडी-गुडी लिखाण! अरेच्या, ही पण तर 'बाजारबसवी'च निघाली की! च्या, आयला मग 'नो पेड न्यूज' म्हणत सती-सावित्री बनून हिंडते कशी कपाळावर पत्रकारितेच्या पावित्र्याचे कुंकू लावून? आता राजकारण्यांसमोर तिचा 'खरा धंदा' उघड होत आहे. तालुक्या-तालुक्याला 'डीलिंग' होत आहेत. 'नो पेड न्यूज' म्हणत-म्हणत ही 'नखरेल' नवी-नवेली रोजच्या पानाचा धंदा बुक करीत आहे. जिथे संस्था बुक करणार नाही तिथे कारभार हाती असलेले 'उप-संपादक' धंदा बुक करतील .... ऐश करेंगे; कैश करेंगे.... क्या करेंगे गंदा है; पण धंदा है! अरे, मूर्खानो, उद्या या राजकारण्यांसमोर कोणते तोंड घेवून जाणार? तुम्ही तुमची इज्जत तर एका लाखात विकून मोकळे होताय ना! त्यापेक्षा कशाला भंपक आव आणता ... सरळ सांगून 'धंदा' करा ना..

फेसबुक वर शेअर करा

Facebook