> >> बेरक्याला माहिती देण्यासाठी ई - मेल करा - berkya2011@gmail.com

गुरुवार, ४ ऑगस्ट, २०१६

कोण आहे ही हंसा ?

पुणे - खरं तर महिलांचे वय,वृत्तपत्राचा खप आणि पत्रकारांचा पगार विचारू नये,परंतु लोकमतवाले हंसाचा हवाला देवून प्रतिस्पर्धी दैनिकाबरोबर विनाकारण पंगा घेत आहेत.
कोल्हापुरात पुढारी नंबर १ आहे.कोल्हापूर ही पुढारीची मातृभूमी.पुढारीबरोबर लोकमतने खूप स्पर्धा केली,त्यांची माणसे फोडली,परंतु कोल्हापूरचा हा पैलवान लोकमतला चारीमुंड्या चित्त केला.बॅकफुटवर आलेल्या लोकमतने हंसा नावाच्या एका खासगी संस्थेचा हवाला देवून कोल्हापुरात नंबर १ चा दावा केला,परंतु पुढरीने जसेच्या तसे उत्तर दिल्यानंतर लोकमतवाले गार झाले.
कोल्हापुरातील पुढारीबरोबरचा सामना हरल्यानंतर आता लोकमतने पुण्यात सकाळबरोबर पंगा घेतला आहे.हंसाचा हवाला देत त्यांनी पुण्यात नंबर १ चा दावा करून पुण्यात गेल्या काही दिवसांत दोनशे फ्लेक्स लावले आहेत.त्यानंतर सकाळने आजच्या अंकात लोकमतची फेकमफाक,बनावट दावे पुणेकरांसाठी विनोदाचा विषय अशी बातमी प्रसिध्द करून लोकमतला चँलेज केले आहे.सकाळची मातृभूमी पुणे आहे.पुणे म्हणजे सकाळ आणि सकाळ म्हणजे पुणे असे समीकरण आहे.
वास्तविक वृत्तपत्राचा खप केवळ आणि केवळ एबीसीच्या आकडेवारीवरून कळतो.एबीसीने पुण्यात सकाळचा खप ५ लाख ४५ हजार ९९५ तर लोकमतचा खप ७१ हजार ३५४ दिला आहे.सकाळच्या अर्धाही लोकमतचा खप नाही,मग हंसा अशी कशी खोटे बोलते ? याचा अर्थ पैसा देवून अहवाल तयार केला गेला,हे स्पष्ट आहे.हंसा ही कोणाची संस्था आहे,त्याचे डायरेक्टर कोण,ही संस्था खपाचा कशावरून निकष काढते याची उत्तरे लोकमतवाले देतील का ?
कोणी काही म्हटले तरी
मुंबई - महाराष्ट्र टाइम्स
पुणे - सकाळ
कोल्हापूर - पुढारी
नागपूर - लोकमत

सर्वात आघाडीवर आहेत.
एकंदरीत आकडेवारी पाहता सकाळ राज्यात नंबर १ आणि लोकमत नंबर २ वर आहे.स्कीमवर विक्री करण्यात येणा-या अंकाची आकडेवारी एबीसी पकडत नाही,त्यामुळे सकाळने लोकमतवर मात केली आहे.
यवतमाळच्या प्रकरणात संस्काराची माती झाल्यानंतर दर्डा बंधु बॅकफुटवर आले आहेत,राजेंद्रबाबू विधानसभा हरल्यानंतर आणि विजयबाबूची खासदारकी गेल्यानंतर दर्डा बंधु आता वृत्तपत्रसम्राट होण्याच्या प्रयत्नात आहेत,परंतु सध्याच्या डीजीटल युगात वृत्तपत्राचा खप टिकून राहणे अवघड आहे.
त्यामुळे हंसाचा हवाला देवून हसे करून घेवू नये,हाच आमचा सल्ला !

फेसबुक वर शेअर करा

Facebook