> >> बेरक्याला माहिती देण्यासाठी ई - मेल करा - berkya2011@gmail.com

सोमवार, ६ नोव्हेंबर, २०१७

अतुल कुलकर्णी यांना मुख्यमंत्र्यानी फटकारलं !

IBN लोकमत  झाले  'News 18 लोकमत '  !
मुंबई - IBN लोकमत चॅनेलचं नामांतर आता News 18 लोकमत झालं आहे. बेरक्याने हे वृत्त तीन महिन्यापूर्वी दिलं होतं. मुख्यमंत्री देवेंद्र फडणवीस यांच्या हस्ते रिमोटचे बटन दाबून याचं रीतसर प्रसारण करण्यात आलं. सरकारला तीन वर्ष पूर्ण झाल्याबद्दल मुख्यमंत्री फडणवीस यांनी, आपण समाधानी असल्याचे सांगत, जाहिरातीमध्ये झळकलेले  लाभार्थी अस्सल आणि खरे असल्याचं सांगितलं. यावर विरोधक कसे राजकारण करतात हे सांगत असतानाच ,लोकमतचे वरिष्ठ सहाय्यक संपादक अतुल कुलकर्णी यांना एका प्रश्नाच्या उत्तरात चांगलेच फटकारले. 
आठ वर्षांपूर्वी चला जग जिंकू या अशी टॅगलाईन घेवून आलेलं IBN लोकमत जग बदलतंत, तसं आम्हीही बदलतोय असं सांगत News 18 लोकमत असं नाव धारण केलं आहे. नवा रंग नवा जोश म्हणत ध्यास जनमानसाचा असं सांगत आहे.एबीपी माझातून आलेले मिलिंद भागवत आणि विलास बडे आजपासून नव्या जोशात फिल्डिंग लढवत आहेत.
मुख्यमंत्री देवेंद्र फडणवीस यांच्या हस्ते सायंकाळी  ७ वाजता चॅनलचे नामकरण झाल्यानंतर त्यांनी, जोरदार फटकेबाजी केली. त्यानंतर उपस्थित मान्यवरांच्या प्रश्नाला समर्पक उत्तरे दिली. 

पाच शिलेदार
सायंकाळी  ७ ते ११ या  प्राईम टाईम मध्ये पाच महत्वाचे शिलेदार  खिंड लढवणार आहेत.
कोण आहेत शिलेदार पाहा...मात्र मुख्य आकर्षण मिलिंद भागवत हेच राहणार आहेत.

अतुल कुलकर्णी यांना मुख्यमंत्र्यानी फटकारलं
यावेळी लोकमतचे वरिष्ठ सहाय्यक संपादक अतुल कुलकर्णी यांनी, मुख्यमंत्री फडणवीस यांना प्रश्न केला की, तुम्ही विरोधकांना शांत तर करता पण पक्षात असलेले मुख्यमंत्री पदाचे आणि अमुक खातं हवं असे म्हणणारे मंत्री पंकजा मुंडे, विनोद तावडे, सुधीर मुनगंटीवार यांना कसे काय थंड केले, हे जमते कसे ? असे विचारले असता, त्यावर उत्तर देताना फडणवीस यांनी, तुमची पूर्वीच्या सरकारमधील मानसिकता अजून गेलेली नाही. पंकजा मुंडे, विनोद तावडे, सुधीर मुनगंटीवार हे माझे सहकारी असून आम्ही सर्व संमतीने निर्णय घेतो, तुम्ही मध्ये काड्या करणे बंद करा, असं फटकारलं. तेव्हा अतुल कुलकर्णी यांचा चेहरा बघण्यासारखा झाला होता.


 यापूर्वीचे वृत्त वाचा 

जुन्या बाटलीत नवी दारू ! 

फेसबुक वर शेअर करा

Facebook