सुंदर लटपटे यांचा पुढारीला रामराम

औरंगाबाद - औरंगाबादेतून पुढारी सुरू होवून अवघा एक महिनाही झाला नाही,तोच कार्यकारी संपादक सुंदर लटपटे यांनी राजीनामा दिला आहे.लटपटे यांनी जाता जाता समूह कार्यकारी संपादक सुरेश पवार यांच्यावर घणाघती आरोप केला आहे.
गेल्या दहा वर्षात दोनदा प्रयोग फसल्यानंतर अखेर पुढारी औरंगाबादेत 6 जानेवारी रोजी सुरू झाला.त्याचे रितसर प्रकाशन अद्यापही झाले नाही.भालचंद्र पिंपळवाडकर सोडून गेल्यानंतर मंगेश डोंग्रजकर आणि सुशिल कुलकर्णी यांनी नकारघंटा वाजवल्यानंतर सुंदर लटपटे यांना कार्यकारी संपादक करण्यात आले,मात्र लटपटे यांना कसलेही अधिकार देण्यात आले नाहीत.सर्व सुत्रे समूह कार्यकारी संपादक सुरेश पवार ( कोल्हापूर ) हे हालवित होते.त्यात युनिट हेड कल्याण पांडे यांचा हस्तक्षेप कमालीचा वाढला होता. यामुळे लटपटे कमालीचे नाराज झाले होते.पांडे आणि लटपटे यांच्यात अनेकवेळा खटकेही उडाले होते.सुरेश पवार यांचे गलिच्छ राजकारण आणि त्यांची डिमांड यामुळे राजीनामा दिल्याचे लटपटे यांनी म्हटले आहे.