IBN लोकमतच्या नामांतराचा मुहूर्त अखेर ठरला !

मुंबई - IBN लोकमतच्या नामांतराचा  मुहूर्त अखेर ठरला आहे. येत्या ६ नोव्हेंबर रोजी IBN लोकमतचे नामांतर न्यूज 18 लोकमत होईल. 18  हा शब्द मराठीत न वापरता इंग्रजीमध्ये ( Eighteen) वापरला जाईल. नामांतरानंतर मात्र  न्यूज अँकरची मोठी गोची  होणार आहे.गेल्या अनेक वर्षांपासून पाहात राहा - IBN लोकमत म्हणण्याची सवय लागलेल्या  न्यूज अँकरला - न्यूज 18 लोकमत म्हणताना काही दिवस जड जाणार आहे. चॅनलचे नाव बदल्यानंतर टीआरपी आणखी घसरण्याची शक्यता व्यक्त केली जात आहे.

न्यूज १८ नेटवर्कची मालकी उद्योगपती मुकेश अंबानी यांच्याकडे गेल्यानंतर IBN 7 या हिंदी चॅनलचे नाव बदलण्यात आले, मात्र मराठीतील IBN लोकमतचे नाव बदलण्यास वेळ लागला. निखिल वागळे सोडून गेल्यामुळे नामांतराचा पाळणा लांबणीवर पडला होता. त्यानंतर  मंदार फणसे गेल्यानंतर पुन्हा घोडे अडले होते. मात्र प्रसाद काथे येताच चॅनल व्यवस्थापनाने नामांतराचा निर्णय पक्का केला. येत्या ६ नोव्हेंबर रोजी IBN लोकमतचे नामांतर न्यूज 18 लोकमत होईल.
चॅनेलचे नामांतर झाल्यानंतर टीआरपी घसरू नये म्हणून एबीपी माझाच्या मिलिंद भागवत आणि विलास बडे या दोन शिलेदारांना घेण्यात आले. हे  दोघेही ऑन स्क्रिन चॅनेलचे  नामांतर झाल्यावरच दिसणार आहेत. सध्या ते ऑफ स्क्रीन स्टोरीला व्हाईस ओव्हर देण्याचे काम करीत आहेत. 
जाता जाता
बेरक्याचे भाकीत पुन्हा एकदा खरे ठरले आहे. प्रसन्न जोशी यांनी बीबीसी मराठीचा राजीनामा देवून एबीपी माझा पुन्हा जॉईन केले आहे.