उघडा डोळे... आणि बघा हातात नारळ !

मुंबईतल्या ‘उघडा डोळे, बघा नीट’ या चॅनलमध्ये सध्या डोळ्यांतून पाणी आणि हातात नारळ अशीच अवस्था झाली आहे. कारण चॅनलनं तब्बल १५ ते २० कर्मचाऱ्यांना  घरचा रस्ता दाखवला आहे. मेघराज पाटील, विजय साळवी, संदीप रामदासी यांसारख्या ज्येष्ठ कर्मचाऱ्यांचाही नारळ देण्यात आल्याने मीडियात खळबळ उडाली आहे.  हे सगळे चॅनलचे ‘सिनियर सिटिझन्स’ असूनही, नारळ देताना कुठलाही भावनात्मक सॉफ्टवेअर वापरले गेलेलं नाही. एकदम थेट ‘शटडाउन’.

१७ वर्षं पैकी तब्बल १४ वर्षे ‘नंबर वन’ असलेला हा चॅनल आता टीआरपीच्या गाडीखाली येऊन थेट चौथ्या स्थानावर घसरला. त्यामुळेच, ‘पगार कमी – नारळ जास्त’ हे सूत्र अंमलात आणलं गेलं. नफा  profit कमी झाला म्हणून माणसं कमी करायची, हा तर नवीन ‘उद्योग धोरण’ वाटतो.

काही जणांना काय मिळालं?
– ज्यांना महिन्याला दोन लाख पगार मिळायचा, त्यांना मिळालं “गेट आउट विथ नारळ”!
– काही जणांचे पगार ‘हाफ’ करून, त्यांना “कॉन्ट्रॅक्टवर ये, नाहीतर Bye!” असं सांगण्यात आलं.
– पीसीआर, एडिटिंग डिपार्टमेंट तर आता शांततेचं ध्यान करतायत.

बेरक्याचं विश्लेषण:
या चॅनलमध्ये सध्या टीआरपीपेक्षा नारळाचं उत्पादन जास्त आहे.
"नंबर वन" च्या नादात "वन बाय वन" लोक बाहेर पडतायत.
चॅनल म्हणतंय – "आम्ही कर्मचाऱ्यांना नारळ दिला, पण आशा आहे की प्रेक्षकांनी आम्हाला नारळ देऊ नये!"

Breaking Coconut Update:
चॅनलमध्ये आता नवीन सेगमेंट येणार – “आज कोणता नारळ फुटला?”
बघत राहा – बेरक्या LIVE!
कारण इथे टीआरपीपेक्षा ट्रॅजेडी जास्त, आणि त्यावर बेरक्याचा विनोद भारी!