> बेरक्याला माहिती देण्यासाठी ई - मेल करा - berkya2011@gmail.com

गुरुवार, १२ जानेवारी, २०१२

सोलापुरात डिजीटल बॅनर युध्द पेटले


सोलापूर - जिथे दिव्य मराठी तिथे दिव्य मराठी व लोकमतमध्ये डिजीटल बॅनर युध्द पेटत असते. सोलापुरात मात्र उलटे घडले आहे. या युध्दात लोकमतऐवजी सोलापूर सुराज्यने मोठी उडी घेतली आहे.
दिव्य मराठीने सोलापूरात पाऊल ठेवताना नेहमीचाच सप्पक मॅटर वापरला आहे.तुमची मर्जी जाणून घ्यायला येतोय...हे नेहमीचेच वाक्य दिव्य मराठीने वापरले असले तरी औरंगाबाद, नाशिक आणि जळगावात सध्या कोणाची मर्जी चालते,हे वाचकांनी अनुभवले आहे.उलट सुराज्यने झणझणीत मॅटर वापरून अस्सल सोलापुरी ओळख करून दिली आहे.
सोलापूरचे ग्रामदैवत सिध्दरामेश्वराची गड्डा यात्रा लवकरच सुरू होत आहे. सोलापूरची गड्डा यात्रा, सोलापुरी चादर व सोलापूरची शेंगा चटणी महाराष्ट्रात  प्रसिध्द आहे.त्याचा जाहीरातीत वापर करून करून सोलापूर सुराज्यने अस्सल सोलापुरी दैनिक अशी जाहीरातबाजी सुरू केली आहे..शहरातील चौकाचौकात दिव्य मराठीच्या तोडीस तोड सुराज्यचे डिटीटल बॅनर झळकू लागले आहेत.
लोकमतला मात्र जागाच शिल्लक नाही. सकाळ नेहमीप्रमाणे थंड आहे. सोलापूरचे जुने दैनिक संचारने बॅनर युध्दात भाग न घेण्याचा निर्णय घेतला आहे.

ताजा कलम : दिव्य मराठीच्या आगमनामुळे सोलापूरच्या वृत्तपत्र कर्मचा-यांना चांगले दिवस येत आहेत.

फेसबुक वर शेअर करा

Facebook