> >> बेरक्याला माहिती देण्यासाठी ई - मेल करा - berkya2011@gmail.com

गुरुवार, २६ जानेवारी, २०१७

मालकाच्या निर्णयाला केराची टोपली

औरंगाबादेत अखेर  पुढारी सुरु झाला , परंतु शाहू महाराजांचा वारसा सांगणाऱ्या पुढारीत पेशवाई अवतरल्याचे चित्र सद्या पाहायला मिळत आहे.युनिट हेड कल्याण पांडे यांच्या हेकेखोर स्वभावामुळे जाहिरात ,वितरण व संपादकीय विभागात असंतोषाचे वातावरण आहे.मीच सर्व काही अशा अविर्भावात  पांडेजी वागत  असून त्यांनी आता व्यवस्थापकीय संपादक योगेश जाधव व मुख्य व्यवस्थापक नवल तोष्णीवाल यांनी घेतलेल्या निर्णयांनाही केराची टोपली दाखवत आहेत.
दि.१६ जानेवारी रोजी योगेश जाधव व नवल तोष्णीवाल औरंगाबादला आले होते.त्यांनी यावेळी विविध पदांसाठी १७ जणांच्या मुलाखती घेतल्या होत्या,त्यात त्यांनी बाळासाहेब लिंगायत व इतर ५ जणांची निवड करून त्यांना जॉईन करून घेण्याचे सांगितले होते,परंतु जाधव व तोष्णीवाल परत गेल्यानंतर कल्याण पांडे यांनी मालकाच्या  निर्णयाला केराची टोपली दाखवत पुढारीचा सर्वेसर्वा मीच आहे,अशी टर्रेबाजी सुरु केली आहे.
याशिवाय वितरण व्यवस्थापक अनिल सावंत व कल्याण पांडेची वितरण विभागात जागा भरण्यावरून तू ..तू ..मैं ..मैं झाल्याचेही समोर आले आहे.जाहिरात विभागात सुद्धा सावळा गोंधळ सुरु  आहे. काही दिवसापूर्वी कार्यकारी संपादक सुंदर लटपटे व पांडे यांच्यातही चांगलीच बाचाबाची झाल्याचे वृत्त आहे.

फेसबुक वर शेअर करा

Facebook