> >> बेरक्याला माहिती देण्यासाठी ई - मेल करा - berkya2011@gmail.com

शनिवार, १७ जून, २०१७

पोलीस आयुक्त अखेर नरमले

औरंगाबाद - पोलीस आयुक्त यशस्वी यादव यांच्या विरुद्ध बातम्या दिल्यास तुमचा सुनील ढेपे करण्यात येईल, अशी धमकी क्राईम ब्रँचच्या पोलीस निरीक्षकाने क्राईम रिपोर्टरना काही दिवसांपूर्वी  दिली होती, त्यानंतर औरंगाबादच्या पत्रकारात मोठी चीड निर्माण झाली होती, त्यानंतर पत्रकारांनी पोलीस आयुक्ताच्या बातम्यांवर बहिष्कार  घातला होता, 
गेल्या आठ दिवसापासून हा बहिष्कार सुरू होता, अखेर पोलीस आयुक्त यशस्वी यादव चांगलेच नरमले आणि त्यांनी क्राईम रिपोर्टरला आज ऑफिस मध्ये बोलावले होते, एका पोलीस निरीक्षकानी सर्व रिपोर्टरना पर्सनल मेसेज टाकून बोलावले होते.
सर्व रिपोर्टर समोर यशस्वी यादव यांनी,  हा प्रकार माझ्या सांगण्यावरून झाला नसल्याचे स्पष्ट केले..माझी छबी बनवणे तुमच्या हातात असल्याचेही ते म्हणाले आणि घडलेल्या प्रकाराबद्दल दिलगिरी व्यक्त केली...

घाडगे मॅडमचे कारस्थान
विरोधात बातम्या दिल्यास तुमचा सुनील ढेपे करण्यात येईल, ही धमकी पोलीस उपायुक्त दीपाली घाडगे यांच्या सांगण्यावरून त्या पोलीस निरीक्षकानी दिल्याचे समोर आले आहे..
दीपाली घाडगे यापूर्वी उस्मानाबादला अतिरिक्त पोलीस अधीक्षक होत्या, त्यांच्या साक्षीने उस्मानाबादचे ज्येष्ठ पत्रकार सुनील ढेपे यांच्यावर खोटा गुन्हा दाखल झाला होता,
उस्मानाबादची ट्रिक औरंगाबादला वापरण्याचा प्रयत्न घाडगे मॅडमने केला, परंतु पत्रकाराच्या एकीमुळे घाडगे मॅडमचे पितळ उघडे पडले आहे...

फेसबुक वर शेअर करा

Facebook