> >> बेरक्याला माहिती देण्यासाठी ई - मेल करा - berkya2011@gmail.com

रविवार, १४ एप्रिल, २०१९

सुंदर लटपटे यांची आत्महत्या

औरंगाबाद -   येथील जेष्ठ पत्रकार सुंदर लटपटे यांनी रविवारी पहाटे स्वतःच्या राहत्या घरी  गळफास घेऊन आत्महत्या केली आहे. त्यांच्या आत्महत्येमुळे महाराष्ट्राच्या माध्यम क्षेत्रात प्रचंड खळबळ उडाली आहे.

लोकपत्र, पुण्यनगरी, पुढारी आदी  वृत्तपत्रात संपादक, कार्यकारी संपादक म्हणून काम केलेले सुंदर लटपटे यांनी, आर्थिक चणचण आणि त्यात पत्नी संसार  सोडून माहेरी गेल्याने आत्महत्येचे टोकाचे  पाऊल उचलले.

औरंगाबादचे ज्येष्ठ पत्रकार संजीव उन्हाळे यांच्या बहिणीबरोबर त्यांचा आंतरजातीय विवाह झाला होता. विवाह झाल्यापासून त्यांचे आणि संजीव उन्हाळे यांचे टोकाचे मतभेद होते. यातून त्यांनी अनेक वेळा फेसबुकवर पोस्ट लिहिली होती. यातूनच त्यांनी आत्महत्या केली.

पत्रकार ते एकलव्य प्रकाशन आणि पुन्हा पत्रकार हा त्यांचा प्रवास  संघर्षमय राहिला.  गेल्या काही महिन्यापासून ते आर्थिक विंवचनेत होते. त्यात गेल्या काही महिन्यापासून पत्नी माहेरी गेल्याने ते अधिकच खचले होते. एक अतिशय हुशार, जिगरबाज पत्रकार  जेव्हा आत्महत्या करतो, तेव्हा काळीज नक्कीच चर्रर्र होते.

काय लिहिले सुसाईड नोट मध्ये 

 केवळ माझा मेहुणा संजीव उन्हाळेमुळे आत्महत्या करत आहे. तो गुन्हेगार , जातीयवादी आणि भ्रष्ट आहे. त्याने माझ्या पत्नीचे मन परिवर्तन करून आमचा ३० वर्षाचा संसार मोडला. त्यास शिक्षा मिळाली पाहिजे.
- सुंदर लटपटे 


फेसबुक वर शेअर करा

Facebook