डी.टी.पी.ऑपरेटर निघाला मोटारसायकल चोर

नगर - भोपाळशेठच्या पेपरमध्ये काम करणारा एक डी.टी.पी.ऑपरेटर चक्क मोटारसायकल चोर निघाला आहे.पोलिसांनी त्याला भर दिवसा कार्यालयातून उचलून नेले होते.त्याची या गुन्ह्यातून सुटका झाल्यानंतर पोलिसांनी पुन्हा दुस-या गुन्ह्यात अटक केली आहे. ऐवढे होवूनही हे प्रकरण दाबण्याचा  प्रयत्न भोपाळशेठच्या पेपरमधील एक चौकडी करीत आहे.
नावात सत्य असताना असत्य वागणारा भोपाळशेठच्या पेपरमधील एका डी.टी.पी.ऑपरेटरने आठ महिन्यापुर्वी एका मित्राचीच मोटारसायकल चोरून, त्याचे रंगरूप बदलले व नंतर हीच मोटारसायकल घेवून तो ऑफीसला येत होता.त्याची चोरी परवा उघडकीस आल्यानंतर तोफखाना पोलिसांनी काही दिवसांपुर्वी त्याला भर दिवसा कार्यालयातून उचलून नेले.नंतर त्याची जामिनावर सुटका झाल्यानंतर कोतवाली पोलिसांनी त्याला दुस-या गुन्ह्यात अटक केली आहे.त्यास दोन दिवसाची पोलीस कोठडी देण्यात आली आहे.
ऐवढे होवूनही या डी.टी.पी.ऑपरेटरला वाचविण्याचा प्रयत्न भोपाळशेठच्या पेपरमधील काही मंडळी करीत आहेत.वरिष्ठांना अहवाल देताना काही नाही, आपसातील प्रकरण आहे म्हणून कळविण्यात आले.याबाबत उलट-सुलट चर्चेला ऊत आला आहे.

Post a Comment

0 Comments