फास्टर फेणे कधी देता कर्मचाऱ्यांचे देणे?

औरंगाबाद - एकमतमधील सर्व कर्मचारी प्रचंड मेटाकुटीला आले आहेत. अनेकांची घरभाडे थकलेली आहेत, प्रत्येकाच्या उदरनिर्वाहाचा प्रश्न निर्माण झाला आहे. वृत्तपत्र संस्था म्हणजे काही आडत्याचे दुकान किंवा ऊसतोड कामगारांमागचा मुकादम असे काम नसते हे एकमतचे संचालक मंडळ विसरत आहे. कारण ऐन दिवाळीच्या तोंडावर संचालक मंडळाने कर्मचाऱ्यांचा फुटबॉल केला आहे. अखेर सर्व कर्मचाऱ्यांनी आ. अमित देशमुख यांना विनंतीपत्र पाठवले आहे. आता ते तरी काहीतरी माणुसकी दाखवून कर्मचाऱ्यांचा तीन महिन्यांचा पगार देतील अशी आशा कर्मचाऱ्यांना आहे.

सुशील कुलकर्णी आणि आर.  टी.  कुलकर्णी यांनी एकमत सोडल्यानंतर सर्व सूत्रे  'मंगेशा'चे मावस भाऊ 'गुरु'नाळकरकडे देण्यात आली आहेत .मंगेशा'च्या डावानुसार औरंगाबादचे कर्मचारी वैतागून एक एक कमी होतील, मग हळूच सामान जुन्या एकमत कार्यालयात शिफ्ट करणे. काहींना कामावरून कमी करणे आणि त्याच्या नात्यातील 'चहाटळकर, विषपुते व भोंदू वैद्य' ह्या 'एक फुल दोन हाफ' त्रिकुटाकडे सोपवून आपले उखळ पांढरे करून घेणे असा असल्याची चर्चा आहे.

इंडो इंटरप्राईजचे संचालक मंडळ ज्यात मालक आमदार आहेत, तर दुसरे संचालक प्रख्यात चित्रपट अभिनेते रितेश देशमुख आहेत . रितेश सध्या 'फास्टर फेणे' चित्रपटाच्या प्रमोशनमध्ये व्यस्त आहेत. त्यांनी त्यांच्या कामातून वेळ काढून सर्व कर्मचाऱ्यांचे तीन महिन्यांपासून थकलेले पगार द्यावेत अशी आशा लावून सर्व कर्मचारी म्हणत आहेत 'फास्टर फेणे लवकरात लवकर कर्मचाऱ्यांचे पगार देणे'...