इनाडू डिजिटल मध्ये जोशी बुवांची मनमानी

हैदराबद - मराठीत खासगी वृत्तवाहिनी सर्वप्रथम सुरु करणाऱ्या रामोजी रावांनी  ईटीव्ही मराठी  बंद केल्यानंतर  आता डिजिटल मीडियात प्रवेश केला आहे. त्यांनी गतवर्षी eenaduindia.com हे न्यूज पोर्टल सुरु केले.  या यूज पोर्टलमध्ये महाराष्ट्रभरातून अनेक वृत्तपत्रं आणि टीव्ही चॅनेलचे पत्रकार बातम्या पाठवत असतात. यासाठी ते त्यांच्या नातेवाईकांच्या नावाने वृत्तांकन करत आहेत. अनेक नवीन पत्रकारही अधिकृतपणे या वेबपोर्टलवर बातमी पाठवतात.

या वेब पोर्टलवर जोशी बुवा नावाचे  मराठी विभाग प्रमुख कार्यरत आहेत. बाहेर त्यांची प्रतिमा मुख्य संपादक म्हणून झळाळून घेत असले तरी वास्तविक संपादकांचे कोणतेही गुण ते पाळताना दिसत नाहीत. संपादक म्हणून त्यांची कोणतीही ठोस भूमिका नसते. याऊलट येथील एच आर आणि जोशी बुवा मिळून इनाडू इंडिया या आय टी कंपनीत कर्मचारी शोषणाचे काम पार पाडतात. जोशी बुवा यांच्या हाताखाली रोज दोन शिफ्टमध्ये डझनभर उपसंपादक काम करतात. मात्र जोशी त्यांना गुलामासारखी वागणूक देतात.

जोशी बुवाच्या मर्जीतील माणसांना प्रतिष्ठेची वागणूक दिली जाते. ट्रेनी कर्मचाऱ्यांकडून त्यांना होणाऱ्या त्रासाबद्दल ब्र जरी निघाला तर त्यांचे  तोंड दाबण्यात येते तसेच सुट्टी रद्द करून त्या दिवशी जबरदस्ती काम करून घेण्यात येते. जास्तीत जास्त बातम्या करण्यासाठी सातत्याने दबाव टाकला जातो प्रसंगी जेवणही अनेक उपसंपादक लोकांना टाळावे लागते. आजारी पडल्याने अचानक सुट्टी घेतली तर त्या दिवसाचा पगार कापले गेलेलाच असतो. कोणीही उपसंपादक जर त्यांना एखाद्या बातमी, विशेष स्टोरीबद्दल, कामातील चुकीबद्दल किंवा त्यांच्या मर्जीतील लोकांच्या हुकूमशाही वागण्याबद्दल जर कधी बोलायला गेला, तर त्याला नोकरीवरून काढण्यासाठी षडयंत्र रचण्यात येते. ज्याप्रमाणे तुरुंगातील कैद्यांना शिक्षा म्हणून खडी फोडावी लागते त्याप्रमाणे इनाडू डिजीटलमध्ये उपसंपादकांना गुलामासारखी वागणूक देण्यात येते. सुट्टीच्या दिवशी जर एखादा उपसंपादक हा रामोजी सिटी फिरायला आल्याचे निदर्शनास आल्यास हे जोशी बुवा त्याच्यावर डूख धरून बसतात.

इनाडू इंडियातील हिंदी पोर्टलच्याहीबाबत अशाच तक्रारी भडास4मीडिया येथे पोस्ट झाल्या आहेत.