डॉ उदय निरगुडकर ' News 18 लोकमत'च्या वाटेवर

मुंबई - झी 24 तासमधून तडकाफडकी राजीनामा देवून बाहेर पडलेले डॉ. उदय निरगुडकर News 18 लोकमत च्या वाटेवर आहेत. ते पुढील आठवड्यात मुख्य संपादक म्हणून जॉईन होणार असल्याची माहिती बेरक्याच्या हाती आली आहे.

भाजप सरकरला तीन वर्ष पूर्ण झाली आणि त्याच दिवशी डॉ. उदय निरगुडकर यांची झी २४ तास मध्ये विकेट पडली होती. ३१ ऑक्टोबर रोजी झी 24 मधून बाहेर पडलेले डॉ.निरगुडकर News 18 लोकमत मध्ये जातील,असा  अंदाज बेरक्याने त्याचवेळी वर्तविला होता. अखेर तसेच घडतंय.
डॉ. उदय निरगुडकर मुख्य संपादक म्हणून जॉईन होताच, संपादक प्रसाद काथे यांचे अधिकार कमी करण्यात येतील, असा अंदाज आहे. त्याचबरोबर रात्री ८ वाजता होणारा डिबेट शो डॉ निरगुडकर स्वतः करतील. त्यामुळे प्रसाद काथे आणि राजेंद्र हुंजे अस्वस्थ झाले आहेत.
News 18 लोकमत चा TRP प्रचंड घसरला आहे. तो 11 टक्क्यावर आला आहे. क्रमांक चारवर हे चॅनल  गेले आहे. सर्व यंत्रणा असताना चॅनेल चारवर गेल्याने कंपनीने डॉ. उदय निरगुडकर यांना मुख्य संपादक म्हणून घेतले आहे. मात्र यामुळे जुनी टीम अस्वस्थ झाली आहे.