नवी दिल्ली : देशातील नामांकित वृत्तपत्राने 'डिएनए' अर्थात डेली न्यूज अॅण्ड अॅनालिसीसने आजपासून (बधवार) त्यांचे छापील वृत्तपत्र बंद केले आहे. 'डिएनए आता त्यांच्या ऑनलाईन व सोशल माध्यमांवर भर देणार आहे,' असे वृत्तपत्रात आलेल्या जाहिरातीत म्हणले आहे.
जाहिरातीत म्हटले आहे की, 'वाचक, विशेषतः तरूण वाचक हे मोबाईलवर वृत्तपत्र वाचण्यास प्राधान्य देतात. यामुळे आम्ही आता डिजिटल माध्यमांवर भर देणार आहोत. आमचे बातम्या देण्याचे माध्यम बदलत आहे, आम्ही नाही...' असे या जाहिरातीत म्हणले आहे. मुंबई व अहमदाबाद येथे प्रकाशित होणारे वृत्तपत्र उद्या म्हणजेच 10 ऑक्टोबरपासून बंद होईल. 2019 मधील फेब्रुवारी महिन्यात डिएनएने त्यांची दिल्ली आवृत्ती बंद केली होती.
2005 मध्ये सुरू झालेले डिएनए ब्रॉडशीट मुंबई, अहमदाबाद, पुणे, जयपूर, बंगळूर व इंदोर येथे प्रकाशित होत होते. डिलीगंट मीडिया कॉर्पोरेशन या कंपनीचा असलेला डिएनए आजपासून छापील रूपात दिसणार नाही. इंग्रजी असलेले हे वृत्तपत्र कायमच तरूणाईला आवडेल असा आशय देण्याला प्राधान्य देतात. आणि आता 80% तरूणाई ही सोशल मीडियावर असल्याने डिएनए ही डिजिटल रूपात नव्याने समोर येईल.
डीएनए बरोबर मराठीत सुरु झालेले साप्ताहिक झी मराठी दिशाही बंद करण्याचा निर्णय घेण्यात आला आहे.
डीएनए बरोबर मराठीत सुरु झालेले साप्ताहिक झी मराठी दिशाही बंद करण्याचा निर्णय घेण्यात आला आहे.
