नाशकातला "सीबीआय" पत्रकार, खंडणीच्या जाळ्यात!

 

नाशिक जिल्ह्यातील निफाड तालुक्यात घडलेल्या एका जबरदस्त घटनाक्रमात लाचखोरीच्या शिकवणीला नविन वळण मिळाले आहे. आपले तडफदार पत्रकारितेचे काम बाजूला ठेवून खंडणी वसूल करण्याच्या मोहात पडलेल्या पत्रकार देविदास बैरागीने या वेळी मात्र थेट सीबीआयचा अंडरग्राऊंड ऑफिसर असल्याचे गुढ सोडले आहे.

तर झाले असे की, मरळगोई ग्रामपंचायतीचे ग्रामसेवक प्रवीण पठारे यांना बैरागी साहेबांनी एक जबरदस्त ऑफर दिली - "पाच लाख दे, नाहीतर तुमच्या गावाच्या लवकरच बातम्या छापून येतील!" आता पाच लाख ऐकून पठारे साहेबांचे कान ताणले, पण देविदास बैरागींच्या सीबीआयच्या अंडरग्राऊंड टायटलने थोडं भांबावूनच गेले.

प्रवीण पठारे यांनी त्वरित लासलगाव पोलिस स्टेशन गाठून त्यांच्या खास फिर्यादीत बैरागींचे सगळे धंदे उघडकीस आणले. अंडरग्राऊंड जणू काही ग्राऊंडवरच अडकले होते, कारण पोलिसांनी देविदास बैरागीच्या मुसक्या आवळण्यात काहीच उशीर केला नाही.

तर बैरागी साहेबांचा "बातमी न छापण्याच्या अटीवर" ग्रामसेवकांकडून खंडणी वसूल करण्याचा हा प्रयोग मात्र अत्यंत असफल ठरला आहे. शिवाय, बैरागी साहेबांची सीबीआय एजंटगिरी सुद्धा पोलिसांच्या नजरेतून सुटली नाही, आणि त्यांचं खंडणीचं स्वप्न फुस्स झालं.

आता नाशिक जिल्ह्यातील खऱ्या आणि खोट्या पत्रकारांमध्ये बैरागी साहेबांचं नाव चर्चेत आहे – खंडणीची किंमत ठरवणारे हे अंडरग्राऊंड सीबीआय ऑफिसर लवकरच न्यायालयाच्या पुढे हजर होणार आहेत.