सोलापूरच्या मार्केट कमिटीतील स्वस्त धान्याचा काळाबाजार करणारा एक दादा अचानक प्रसिद्धीच्या झोतात आला आहे. या दादाचा धंदा म्हणजे कर्नाटकातील रेशनचा माल स्वस्तात उचलायचा आणि महाराष्ट्रात महाग विकायचा! पैसा तर ओतप्रोतच वाहू लागला होता. पण दादाच्या पायावर कुऱ्हाड पाडली ती टीव्ही मीडियाच्या तीन साक्षात "महाज्ञानी" पत्रकारांनी!
दादाचा काळाबाजार उघड झाल्याचं या पत्रकारांच्या खबरींना समजलं. आता दादाचे धंदे बोंबलून टाकायचे, अशी जय्यत तयारी झाली. पण, पैशांचं वेड हे मोठं भारी! तिघांनी मिळून १० लाखांची "पत्रकारी खंडणी" ठरवली. दादाने बार्गेनिंग करून ३.५ लाखांवर सौदा पक्का केला.
पैसे दिले, वाटून घेतले, आणि ढोल-ताशे वाजवत साजरा केला. पण इथेच दादा मास्टरमाइंड निघाला! पैसे देतानाच दादाने हळूच कॅमेऱ्याची "किमया" साधली. फुल एचडी व्हिडीओ शूट केला आणि लगेच काही वरिष्ठ पत्रकारांच्या व्हॉट्सअ‍ॅपवर टाकून टाळ्या वाजवल्या.
व्हिडीओ पाहून तीन खंडणीबाज पत्रकारांच्या पायाखालची जमीनच सरकली. तोंडाला फेस आला आणि तात्काळ दादाच्या पाया पडले. "दादा, आमची चूक झाली, घ्या हो परत पैसे!" असं म्हणत त्यांनी ८० टक्के रक्कम परत केली. पण दादा म्हणाला, "वहिनीला बघा, पुन्हा असं काही करू नका!"
हा सगळा ड्रामा झाल्यानंतर "बातमी" दिली खरी, पण ती इतकी मोघम की, सामान्य माणूस विचारतो, "काय झालं नेमकं?" बातमी दिल्याच्या नावाखाली फक्त हवा भरली. या पत्रकारांच्या थाटात असा काही प्रकारच नव्हता, असा संदेशही टाकून झाले.
हा प्रकार म्हणजे "ज्याचं खरं त्याचं खरं" असं म्हणायचं की "कुक्कुटांची पत्रकार परिषद"? पैसा पाहून पत्रकारांची जीभ सैल होते आणि दादा तर दादाच, पैसा फेकला आणि पब्लिक स्टंट केला! पुढच्या वेळेस तरी पत्रकारांना "दादागिरी" शिकवायला कोणी जिम सुरु करेल काय?
0 टिप्पण्या