बेरक्या एक्सक्लुझिव्ह: 'गँग्स ऑफ दांडेकर' रासलीला - भाग २
पुणे शहरात सध्या पत्रकारिता, राजकारण आणि ‘भोंदूगिरी’चा असा भन्नाट कॉम्बो जमलाय की, 'नेटफ्लिक्स'ची स्क्रिप्टही कमी पडेल! एका 'रणरागिणी'ने केलेल्या गंभीर आरोपांमुळे कुठल्याही ‘ब्रेकिंग न्यूज’पेक्षा ही ‘बेकिंग न्यूज’ जास्त गरम झाली आहे.
प्रकरण असं की, भोंदू अशोक खरात याचा पर्दाफाश केल्यानंतर काही ‘क्रिएटिव्ह’ 'दांडे'करांनी “रिव्हेंज इज बेस्ट सर्व्ह्ड विथ कॅमेरा” हा मंत्र जपायला सुरुवात केली.. 'रूपानं देखणी, सुपारी चिकणी'कडून प्रायोजित लोणावळा पार्टीत, वयाच्या "एटीन"मध्ये असल्यागत झुमणाऱ्या मुख्य दांडेकराकडे तब्बल 25 लाखांची ‘स्टोरी पॅकेज’ डील केल्याची जोरदार चर्चा सुरू झाली आहे.
योजनेनुसार, ‘स्टिंग ऑपरेशन’च्या नावाखाली एका दांडेकरला आस्ते'कदम' थेट बुधवार पेठेतील ‘फील्ड व्हिजिट’वर पाठवण्यात आलं. गेले होते तिघे, मार खाल्ला एकट्यानेच! दोन नवखे झाले फरार. पण प्लॅनमध्ये ट्विस्ट आला… कॅमेरा चालू असताना ‘ॲक्शन’पेक्षा ‘रिॲक्शन’ जास्त मिळाली! संबंधित महिलेनेच ‘लाइव्ह डेमो’ देत आस्ते'कदम' गेलेल्या दांडेकराला चांगलाच ‘रिव्ह्यू’ दिला.
यानंतर प्रकरण पोहोचलं थेट फरासखाना गढीवर. गाऱ्हाणं, तक्रार अर्ज, दबाव, फोन कॉल्स… सगळा ‘पॉलिटिकल थ्रिलर’ एकदम फुल्ल ऑन! 'पोलीस आयुक्ता'समोर हात जोडून घटनेची मीमांसा करताना अंबाबाईच्या भूमीतील चॅनलच्या उंदराने थोडसं कुरतडलं, बुधवार पेठेतील झीरो पोल्साने थोडसं समजावलं, गुन्हा दाखल करू नये, यासाठी गरिबांचा सोमय्या आणि 'शाही' अप्पू राजा पडद्यामागे थर-थर कापत उभे होते. आपलं तर नाव घेणार नाही ना, अशी छातीत धडधड 'नऊ' नंबरी 'ससा रे ससा, कापूस जसा' अन् अंबाबाईच्या भूमीतील चॅनलवाल्याला घाम फुटला होता म्हणे.
दरम्यान, चर्चा अशी की, 25 लाखांचा ‘फंड’ आधी "एटीन"च्या वयातील मुख्य दांडेकराकडे, आणि मग 'शाही' अप्पू राजा, गरिबांचा सोमय्या, कानबिंदूचा मिंदे ‘सब-डिस्ट्रिब्युशन मॉडेल’ने छोट्या दांडेकर-बोरूबहाद्दरांपर्यंत! म्हणजेच, “ब्रेकिंग न्यूज” आता “ब्रेकिंग बँक” झाली का? असा सवाल उपस्थित होतोय.
'रणरागिणी'च्या मामंजीच्या माडीवर स्टिंग ऑपरेशनचा थरार रंगला. सीसीटीव्हीमध्ये सर्व काही झालं. मद्यधुंद मार खाल्लेल्याने 'रणरागिणी'चे नाव घेतल्यावर मॅनेजर चपापला.. अन मग स्टोरीमध्ये ट्विस्ट आला.
रणरागिणी मुळातच वकिली बाण्याची असली तरी पोलिसी खाक्याच्या तालमीत तयार झालेली, तिला 'रूपानं देखणी' चा डाव लक्षात आला. 'वय' आणि अनु'भव' असल्यामुळे नेमका 'म्होरक्या' कोण याचा सुगावा लागला. एका फेसबुक पोस्टमुळे सिंडिकेट गॅंग लीडर आणि मेंबरची हातभर फाटली. मग सकाळीच शरणागती, माफी'नामा' आणि गयावया सुरू झाली. सिंडिकेट गॅंग मधला अप्पू राजा 'फुटला' आणि त्याने उलटी केली. मग 'रूपा'नं देखणी, 'सुपारी' चिकणी' गाण्यावर कोणी-कोणी डान्स केला हे सांगून टाकलं. अशा रितीने एक न वाजलेली 'सुपारी' फुटली.
'पोलीस आयुक्ता'कडे गाऱ्हाणं दाखल झालं असून, सगळ्या झोनवाल्यांची झाडाझडतीही सुरू झाली आहे. 'संभा हो हो', 'हिम्मत'वाला चित्रपटाच्या गाण्यावर डान्स सुरू झाला आहे. 'बाजीराव मस्तानी'चा 'पिंगळा' देखील प्रस्तुत झाला. “डिफेमेशन" वेब सिरीजच्या स्क्रिप्टचा डायरेक्टर, हीरो, हीरोइन अन् व्हिलन कोण? याचा सध्या शोध सुरू आहे.
पुणेकरांनो, आता कोणत्याही बातम्या बघताना रिमोटसोबत पॉपकॉर्नही ठेवा… कारण इथे प्रत्येक ‘न्यूज’ मागे एक ‘मूव्ही’ चालू आहे!
पुण्यात सध्या दोनच गोष्टी ट्रेंडमध्ये आहेत. एक म्हणजे ट्रॅफिक, आणि दुसरी म्हणजे “खाकी अन् पॉलिटिकल स्पॉन्सर्ड रासलीला”! फरक इतकाच की ट्रॅफिक दिसतं, आणि ही रासलीला फक्त “सेटिंग” असलेल्यांनाच दिसते.
खाकीतील काही ‘तारांकित’ मंडळी आणि वसुलीभाईंच्या कृपेने चौथ्या खांबाचं नवं इकोसिस्टम तयार झालंय “पाळीव दांडेकर-बोरूबहाद्दर आणि त्यांच्या पिल्लांची फुललेली नर्सरी!” 'मेड्यातली राखी सावंत' 'वराहमुखी' मॅच न्यूज ब्रेक केली म्हणत, चोराच्या उलट्या बोंबा मारत फिरतीय. फोन करून बिंदास घुना दाखल करा म्हणतीय. तिची चिमणी मात्र आता गोत्यात येणार.
ताजा कलम : दांडेकरांच्या नावाने बोट मोडणाऱ्या आणि नाके मुरडणारे बोरूबहाद्दर प्रिंटिंगवालेही लय धुतल्या तांदळासारखे नाहीत. 'करून करून भागले आणि देवपूजेला लागले', अनेक सुपाऱ्या वाजवून, आता या सुपारीची चर्चा करतायत. अंबाबाईच्या भूमीतील 'मित्रमंडळी' चार्ल सोब्राजचा 'हॅपी एंडिंग, नो फंडिंग मसाज' चा किस्सा काही महिन्यांपूर्वी गाजला होता. प्यारेलाल बॉटम पॅन्ट घालणारा सोब्राज "पोलीस आयुक्तांना म्हणतो, ' गुन्हा दाखल करू नका!'. वारे पट्ट्या, विसरला का "मसाज वालीचा रट्टा"!
(क्रमशः)
0 टिप्पण्या