> बेरक्याला माहिती देण्यासाठी ई - मेल करा - berkya2011@gmail.com

सोमवार, २८ नोव्हेंबर, २०१६

डॉक्टरची टूरटूर

एक पाऊल मागे चॅनेलच्या डॉक्टरने पुन्हा सालाबादाप्रमाणे टूर काढली आहे. शुगरे आणि काळू मामा या दोन टोळ्यांमधल्या निष्ठावंतांची टूरसाठी निवड करण्यात आली. शुगरे आणि काळूमामा डॉक्टरचे डावे-उजवे हात. मात्र या दोघांनाही डॉक्टरने कामावरून काढलं होतं. मग दोन्ही टोळ्यांमधल्या सदस्यांनी डॉक्टरच्या हाता-पायापडून कामावर घ्यायला भाग पाडलं होतं. तेव्हापासून शुगरे आणि काळूमामा डॉक्टरापासून दुरावले. आता हे दोघेही डॉक्टरवर जोक करतात. अर्थात सगळेच हा 'विनोद' करण्यात आघाडीवर असतात. तर या थंडीतही काही जणांना घाम फुटला आहे. टूरमध्ये डॉक्टरच्या बढाया ऐकाव्या लागणार या कल्पनेनेच बरेच जण घामाघूम झाले आहेत.

सोमवार, २१ नोव्हेंबर, २०१६

गिरधारी- बाबर वादातूून दोन रिपोर्टरचा बळी

ठाणे - पुढारीची ठाणे आवृत्ती स्वतंत्र निघणार असून,त्यासाठी उपसंपादक आणि रिपोर्टरची भरती करण्यात येणार आहे.दुसरीकडे रिपोर्टर सोनल लाडे आणि स्वप्नाली पवार यांना नारळ देण्यात आला आहे.
पूर्वी ठाणे आवृत्ती मुंबई आवृत्तीच्या अंतर्गत होती.माय ठाणे नावाचे चार पेज दिले जात होते.सोनल लाडे,स्वप्नाली पवार,प्रवीण सोनवणे,नरेंद्र राठोड,अनुपमा गुंडे असे पाच रिपोर्टर काम करत होते.सहा महिन्यापूर्वी ब्युरो चिफ म्हणून विजय बाबर यांची नियुक्ती करण्यात आली.मात्र बाबर आणि संपादक विवेक गिरधारी यांच्यात पटेनासे झाले,त्यातून गिरधारी यांनी बाबर यांना शह देण्यासाठी दिलीप शिंदे यांची चिफ रिपोर्टर म्हणून नियुक्ती करून सर्व अधिकार शिंदे यांना दिले.त्यानंतर बाबर यांनी गिरधारी यांच्यावर मात करून मालक पद्मश्रींकडून सर्व  अधिकार पुन्हा  प्राप्त केले.त्यानंतर बाबर यांनी ठाणे आवृत्ती स्वतंत्ररित्या प्रकाशित करण्याची योजना आखली आणि त्याला पद्मश्रींनी हिरवा कंदील दिला आहे.
दुसरीकडे निष्क्रियतेचा ठपका ठेवून सोनल लाडे आणि स्वप्नाली पवार यांना नारळ देण्यात आला आहे.या दोघी गिरधारींच्या कट्टर समर्थक मानल्या जातात.गिरधारी- बाबर यांच्यातील वादातून या दोघींचा बळी गेला आहे.त्याचबरोबर प्रवीण सोनवणे आणि नरेंद्र राठोड देखील रडारवर आहेत.बाबर -  गिरधारी वादातून रिर्पाटरचा बळी दिला जात आहे.सोनल लाडे ही गेल्या दोन वर्षापासून तर स्वप्नाली पवार एक वर्षापासून पुढारीत कार्यरत होती.बातम्या लिहिता येत नाहीत,हा जावाईशोध आताच का लावण्यात आला,असा प्रश्‍न या दोघांना पडला आहे.
धन्य ते पुढारी...धन्य ते गिरधारी आणि धन्य ते बाबर...पुढारीचा चांगभले...

गुरुवार, १७ नोव्हेंबर, २०१६

पुण्यात सकाळचा खप लोकमतपेक्षा पाचपट

पुणे -  लोकमतने हंसाच्या रिपोर्टनुसार पुण्यात नंबर 1 चा दावा केला असला तरी  तो फोल ठरला आहे.एबीसीच्या आकडेवारीनुसार पुण्यात सकाळचा खप लोकमतपेक्षा पाचपट आहे.
वृत्तपत्राचा खप  हा एबीसीच्या रिपोर्टनुसार ग्राह्य धरला जातो.जानेवारी  ते जून 2016 चा एबीसी रिपोर्टनुसार पुण्यात सकाळचा खप 5 लाख 97 हजार 215 आहे तर लोकमतचा खप हा 1 लाख 26 हजार 369 आहे.यावरून लोकमतपेक्षा पाचपट सकाळचा खप आहे,हे स्पष्ट होते.सकाळचा सर्व आवृत्तीचा एकूण खप 12 लाख 81 हजार 449 आहे.त्यामुळे राज्यात पुन्हा सकाळ नंबर 1 दैनिक ठरले आहे.
पुण्यात सकाळला तोड नाही.पुणे म्हणजे सकाळ आणि सकाळ म्हणजे पुणे असे समीकरण तयार झाले आहे.वाचकांना सकाळ वाचल्याशिवाय दिवस जात नाही,असे अनेकांचे म्हणणे आहे.

बुधवार, १६ नोव्हेंबर, २०१६

नोटाबंदीचा फटका पुढारीलाही....

औरंगाबाद - नोटाबंदीचा फटका पुढारीलाही बसला आहे.त्यामुळे पुढारीचा पाळणा पुन्हा एकदा लांबला आहे.यामुळे पुढारीचे कर्मचारी.वार्ताहर अस्वस्थ झाले आहेत.पुढारी प्रकाशनापुर्वीच पुन्हा एकदा गाशा गुंडाळणार की काय,अशी शंका अनेकांनी व्यक्त केली आहे,मात्र नोटाबंंदीची समस्या सुटल्यानंतर पुढारी सुरू करण्यात येईल.असे पुढारीच्या एका सुत्राने सांगितले.
नकटीच्या लग्नाला सतराशे साठ विघ्ने,अशी म्हण पुढारीला नेहमीच लागू पडते,ती पुन्हा एकदा लागू पडली आहे.पुढारीचा पहिल्यांदा 17 सप्टेंबर.नंतर दिवाळी मुहुर्त हुकल्यानंतर आता 17 नोव्हेंबरचा मुहूर्त काढण्यात आला होता,परंतु हा मुहुर्तही आता नोटांबदीच्या निर्णयामुळे हुकला आहे.
500 आणि 1000 रूपयाच्या नोटा रद्द करण्यात आल्यानंतर पुढारीला चलन तुटवड्याचा सामना करावा करावा लागत आहे.या चलन तुटवड्यामुळे पुढारीची अनेक कामे अडल्याची माहीती देण्यात आली.तथापी,पुढारीचा डमी अंक दररोज काढला जात आहे.मराठवाड्यातील बातम्या ऑनलाईन पुढारीवरही झळकत आहेत.एकीकडे चलन तुटवडा आणि दुसरीकडे प्रिटींग मशिनचा प्रॉब्लेम यामुळे पुढारीचा पाळणा पुन्हा एकदा लांबला आहे.तो कधी हालणार हे आता प्रत्यक्षात पद्मश्रीच सांगू शकतात...

सोमवार, १४ नोव्हेंबर, २०१६

महाराष्ट्र 1 च्या कार्यकारी संपादकपदी आशिष जाधव

मुंबई - बेरक्याचा अंदाज पुन्हा एकदा खरा ठरला आहे.महाराष्ट्र 1 न्यूज चॅनेलच्या कार्यकारी संपादकपदी आशिष जाधव यांची नियुक्ती करण्यात आली आहे.
आयबीएन- लोकमतमध्ये अनेक वर्षे पॉलिटिकल बीट सांभाळणारे आशिष जाधव निखिल वागळे यांच्यासोबत महाराष्ट्र 1 मध्ये आले होते.त्यांना पॉलिटिकल एडिटर करण्यात आले होते.वागळेंच्या राजीनाम्यानंतर त्यांना पदोन्नती देण्यात आली असून,त्यांना कार्यकारी संपादक करण्यात आले आहे.
दरम्यान,वागळेंच्या राजीनाम्यानंतर त्यांच्या पंटरमध्ये खळबळ उडाली आहे.फिचर एडिटर प्राजक्ता धुळपने राजीनामा दिला असून,पाठोपाठ रिर्पाटर नम्रता भिंगार्डेनेही चॅनल सोडणे पसंद केले आहे.पुण्याची ब्युरो प्राची कुलकर्णीने दुसरीकडे संधी शोधणे सुरू केल्याचे वृत्त आहे.
वागळेंच्या राजीनाम्यानंतर अनेक विकेट पडण्याची शक्यता बेरक्याने वर्तवली होती,आता ही शक्यता खरी ठरू लागली आहे.

बेरक्याच्या वृत्ताला वागळेंचा दुजोरा

मुंबई - निखिल वागळे यांनी महाराष्ट्र 1 च्या मुख्य संपादकपदाचा राजीनामा दिल्याचे वृत्त बेरक्याने आठ दिवसांपुर्वीच दिले होते.या वृत्ताला वागळे यांनी अखेर दुजोरा दिला आहे.
आपल्या ट्यूटर अकाउंटवर ट्यूट करताना वागळे यांनी म्हटले आहे की,
माझ्या हितचिंतकांसाठी: मी सुखरुप आहे. 'महाराष्ट्र1' चा राजीनामा िदला आहे़़. पत्रकारिता सुरुच राहील- without fear or favour. धन्यवाद.


जाता - जाता
बेरक्याने आजपर्यंत सर्व बाबीची खात्री करून तसेच क्रॉस चेक करून सत्य बातम्या दिल्या आहेत.वागळे यांनी राजीनामा दिल्याचे वृत्त बेरक्याने दिल्यानंतर काही लोकांच्या मनात शंका होती.वागळेंच्या ट्यूटनंतर आता तरी खात्री पटली का ?

शुक्रवार, ११ नोव्हेंबर, २०१६

पुढारीने जुन्या भात्यातील बाण काढला....निवासी संपादकपदी मुकूंद फडके

औरंगाबाद - एकमतच्या मंगेश डोंग्रजकर यांनी नकार देताच,पुढारीने जुन्या भात्यातील बाण काढत सातार्‍याच्या मुकूंद फडके यांंची निवासी संपादकपदी निवड केली आहे.फडके हे सध्या पुण्यात प्रभातचे निवासी संपादक म्हणून काम करत असून,येत्या 15 नोव्हेेंबर रोजी ते औरंगाबादेत आपला पदभार स्वीकारतील.
मुकूंद  फडके हे यापुर्वी कोल्हापुरातील पुढारीत दोन वेळा काम केलेले आहे.पुढारीची ध्येय-धोरणे माहीत असणारा आणि पुढारीच्या पठडीत काम करणारा निवासी संपादक अखेर पुढारीला मिळाला आहे.रात्रपाळीमध्य पाने बदलण्यापासून कोणत्या बातम्या कोणत्या पानावर घ्याव्यात हे फडके यांना माहीत असल्याने पुढारीची डोकेदुःखी कमी होणार आहे.पश्‍चिम महाराष्ट्रात सर्वाधिक काम करणार्‍या फडके यांच्या डोक्यावर अखेर पुढारीचा मुकूट ठेवण्यात आला आहे.

अखेर मुहूर्त निघाला....17 नोव्हेंबर रोजी पुढारीचे लॉचिंग
पुढारीचा लांबलेला पाळणा अखेर 17 नोव्हेंबर रोजी हालणार आहे.फडके हे येत्या 15 तारखेला जॉईन होणार आहेत तर पुढारीचे प्रकाशन 17 नोव्हेंबर रोजी होणार आहे.त्याची तयारी पुढारीने केली आहे.पुढारीचे प्रकाशन कोणाच्या हस्ते होणार,याकडे लक्ष वेधले आहे.

गुरुवार, १० नोव्हेंबर, २०१६

महाराष्ट्र 1 च्या संपादकपदी आशिष जाधव ?

मुंबई - सनातनचे अभय वर्तक यांच्याबरोबर वादावादी झाल्यानंतर महाराष्ट्र 1 चे मुख्य संपादक निखिल वागळे  रजेवर गेले होते,त्यांना पुन्हा जॉईन होण्यासाठी व्यवस्थापनानेे 2 नोव्हेंबर ही शेवटची तारीख दिली होती,परंतु वागळे जॉईन झाले नाहीत.त्यानंतरही आठ दिवस गेले तरी वागळे महाराष्ट्र 1 मध्ये पाऊल न ठेवल्याने अखेर त्यांना कार्यमुक्त करण्यात आले आहे.
वागळे यांच्या जागी नवा संपादक जॉईन करायचा की आहे त्या टीममधील आशिष जाधव यांना पदोन्नती द्यायची,याबाबत व्यवस्थापन गेल्या काही दिवसांपासून गांभीर्याने विचार करत आहेत.वागळे म्हणजे महाराष्ट्र 1 चा चेहरा होता,असा चेहरा महाराष्ट्र 1 ला सापडत नाही.नविन संपादक घेवून टीम डिस्टर्ब करण्याऐवजी आशिष जाधव यांनाच पदोन्नती देवून एका दगडात दोन पक्षी मारण्याचा निर्णय व्यवस्थापनाने घेतल्याची माहिती बेरक्याच्या हाती आली आहे.

गुरुवार, ३ नोव्हेंबर, २०१६

सरकारनामाचा लवकरच शुभारंभ

पुणे - सकाळ मीडिया ग्रुपचे बहुप्रतिक्षेत राजकीय दैनिक सरकारनामाचा लवकरच शुभारंभ होत आहे.त्याची जोरदार जाहीरातबाजी सध्या सुरू आहे.हे दैनिक निष्पक्ष,निर्भिड आणि सडेतोड राहील,अशी घोषणा सकाळ मीडिया गु्रपने केली आहे.
या दैनिकात कंटेन्ट काय असावेत,त्याचे स्वरूप आणि आकार कसा असावा याबाबतचा आढावा गेल्या सहा महिन्यापासून सुरू आहे.अखेर अंतिम स्वरूप देण्यात आले असून,हे दैनिक अ‍ॅग्रोवन आकाराप्रमाणे 16 पानी राहणार आहे.
त्यात फक्त आणि फक्त राजकीय बातम्या राहणार आहेत.त्याचबरोबर दिल्ली,मुंबईसह वार्तापत्रे,पडद्यामागच्या हालचाली,काही विशेष सदरे राहणार असल्याची प्राथमिक माहिती बेरक्याच्या हाती लागली आहे.या दैनिकावर वाचकांच्या उड्या पडतील,अशी तयारी सकाळ मीडिया ग्रुपने केली आहे.

बा आदब,! बा मुलाहिजा !! होशियार !!!
लवकरच 'सरकारनामा' येतोय ....

 




मंगळवार, १ नोव्हेंबर, २०१६

‘टाइम्स नाऊ’चे संपादक अर्णब गोस्वामी यांचा राजीनामा

मुंबई - पत्रकार अर्णब गोस्वामी यांनी टाइम्स नाऊ या इंग्रजी वृत्त वाहिनीच्या मुख्य संपादक पदाचा राजीनामा दिल्याचे वृत्त सूत्रांनी दिले आहे. गेल्या काही दिवसांपासून अर्णब गोस्वामी हे त्यांच्या ‘द न्यूज अवर’ या लोकप्रिय कार्यक्रमात दिसत नव्हते.
सूत्रांकडून मिळालेल्या माहितीनुसार, संपादकीय बैठकीत अर्णब गोस्वामी यांनी आपला राजीनामा जाहीर केला. आपण स्वत: काहीतरी नवे सुरू करणार असल्याचेही त्यांनी आपल्या सहकाऱ्यांना सांगितल्याचे समजते.
गेल्या अनेक वर्षांपासून अर्णब गोस्वामी ‘टाइम्स नाऊ’मध्ये संपादक पदावर कार्यरत आहेत. ‘टाइम्स नाऊ’ वाहिनीवर ‘द न्यूजअवर’ या चर्चेच्या कार्यक्रमाचे सूत्रसंचालन कायम अर्णब गोस्वामी हेच करतात. या कार्यक्रमावरील त्यांच्या आक्रमकपणामुळे ते कायम चर्चेत असतात. काही दिवसांपूर्वीच अर्णब गोस्वामी यांनी पंतप्रधान नरेंद्र मोदी यांचीही विशेष मुलाखत घेतली होती. टेलिव्हिजनवर थेट बातम्या देण्यास खासगी वाहिन्यांना परवानगी देण्यात आल्यानंतर पहिल्या फळीत जे चेहरे पुढे आले. त्यामध्ये अर्णब गोस्वामी यांचाही समावेश होतो. ‘एनडीटीव्ही’ या वाहिनीवर पहिल्या फळीतील पत्रकारांच्या चमूमध्ये त्यांचा समावेश होता. ‘टाइम्स समूहा’ने २४ तास चालणारी वृत्तवाहिनी काढण्याचा निर्णय घेतल्यानंतर अर्णब गोस्वामी या वाहिनीमध्ये संपादक म्हणून दाखल झाले. तेव्हापासून या वाहिनीचा चेहरा म्हणून अर्णब गोस्वामी यांच्याकडे बघितले जाते. पाकिस्तान स्थित एका दहशतवादी गटाने धमकी दिल्यामुळे गोस्वामी यांना नुकताच ‘वाय’ दर्जाची सुरक्षा पुरवण्यात आली आहे.

फेसबुक वर शेअर करा

Facebook