> बेरक्याला माहिती देण्यासाठी ई - मेल करा - berkya2011@gmail.com

गुरुवार, २८ फेब्रुवारी, २०१३

अमेरिकन वृत्तपत्रांवर दिवाळखोरीची वेळ

वॉशिंग्टन- वृत्तपत्रातून ‘विकणे आहे’ असा जाहिरात कॉलम नेहमी पाहण्यात येतो. परंतु वृत्तपत्रालाच विकण्याची वेळ अमेरिकेतील दबदबा असणार्‍या आणि बड्या दैनिकांवर आली आहे. ‘द बोस्टन ग्लोब’ दैनिकाला बाजारात विक्रीसाठी आणण्यासाठी अभ्यास सुरू झाला आहे. देशातील इतरही अनेक दैनिकांची मालकी बदलणार आहे. द बोस्टन ग्लोबला 1993 मध्ये न्यूयॉर्क टाईम्स कंपनीने विकत घेतले होते. त्या वेळी टाइम्सने सुमारे 598 कोटी रुपयांना त्याची खरेदी केली होती. आता ते केवळ 11 कोटी डॉलर्समध्ये विकले जाण्याची शक्यता आहे.

अनेक मुद्रित माध्यमांना अवकळा
प्रमुख कारणे


> वितरणाचा वाढता खर्च

> दैनिकांचा खप घसरला

> जाहिरातींचे प्रमाण घटले

दिवाळखोरी : अमेरिकेतील आघाडीच्या वृत्तपत्रांना आर्थिक ताळेबंद ठेवताना चांगल्याच अडचणी आल्याचे दिसून येते. बिझनेस मॉडेलची निर्मिती करण्यात या वृत्तपत्रांना अपयश आल्यानेच दिवाळखोरी आल्याचे चित्र पाहायला मिळत आहे.

एलए टाइम्स विक्रीला : ‘द लॉस एंजलिस टाइम्स ’, ‘शिकागो ट्रिब्युन ’, ‘बाल्टीमोर सन ’ या वृत्तपत्रांचीही विक्री होणार आहे. याशिवाय ट्रिब्युन कॉर्पोरेशनच्या मालकीचे आणखी पाच प्रकाशनेही विक्रीच्या मार्गावर आहेत.

छोट्या जाहिरातीमुळे गंडांतर : बहुतांश दैनिकांचे अर्थकारण गेल्या काही वर्षांपासून छोट्या जाहिरातीवर अवलंबून होते. त्याचा वाईट परिणाम एकूण उत्पन्नावर झाला. इतर क्षेत्राकडे दुर्लक्ष झाल्याने उत्पन्न बुडाले, असे माध्यमतज्ज्ञ अँलन मटर यांनी सांगितले.

ज्येष्ठ संपादक मुकुंदराव किर्लोस्कर यांचं निधन

मुंबई: ज्येष्ट संपादक मुकुंदराव किर्लोस्कर यांचं आज पुण्यात वृद्धापकाळाने निधन झालं. ‘किर्लोस्कर’, ‘स्त्री’, आणि ‘मनोहर’ या तीनही मासिकांचे संपादक म्हणून त्यांनी काम केलं. त्यांच्या जाण्याने महाराष्ट्राच्या सांस्कृतिक जडणघडणीतील एक महत्वाचा भागीदार हरपला आहे.
किर्लोस्कर प्रेसचे मॅनेजिंग डायरेक्टर म्हणूनही त्यांनी काम पाहिलं.महाराष्ट्राच्या साहित्य क्षेत्रातल्या अनेक नामवंत व्यक्ती किर्लोस्कर मासिकातून घडल्या आहेत.किर्लोस्कर यांचा जन्म तीन मार्च १९२१ मध्ये किर्लोस्करवाडी येथे झाला. किर्लोस्कर यांनी पदवी प्राप्त केल्यानंतर, किर्लोस्कर ग्रुप ऑफ पब्लिकेशनमध्ये सहाय्यक संपादक या पदावर रुजु झाले. त्यानंतर १९५९ मध्ये किर्लोस्कर प्रेसचे मुख्य संपादक आणि व्यवस्थापक या पदाची जबाबदारी स्वीकारली. १९४३ ते १९८१ या काळात त्यांनी किर्लोस्कर मासिकाबरोबरच स्त्री, मनोहर या मासिकांचे प्रकाशक आणि संपादक म्हणून जबाबदारी सांभाळली.‘मनोहर’ या मासिकाचे साप्ताहिकात रुपांतर करण्याचे श्रेय त्यांना जाते. त्यांनी लिहिलेल्या संपादकीय लेखांचा ‘पेरणी’ हा संग्रह प्रसिद्ध आहे.

मंगळवार, २६ फेब्रुवारी, २०१३

कंत्राटी, अंशकालीन पत्रकारांची असंघटीत कामगार वर्गात नोंद होणार

मुंबई- विविध वृत्तपत्रात काम करणाऱ्या कंत्राटी अंशकालीन बातमीदारांना शासनाने इतर व्यवसायातील असंघटीत कामगारांप्रमाणेच असंघटीत कामगार म्हणून घोषित करावे अशी मागणी जर्नालिस्ट युनियन ऑफ महाराष्ट्रचे  महाराष्ट्र राज्य अध्यक्ष नारायण पांचाळ यांनी शासनाकडे केली आहे. 

मुख्यमंत्री पृथ्वीराज चव्हाण यांना दिलेल्या निवेदनात राज्य शासनाने २००४  च्या आदेशाद्वारे १२२ व्यवसायात काम करणाऱ्या कामगारांना असंघटीत कामगार वर्गात समाविष्ट करून अनेक फायदे उपलब्ध केले करून दिले आहेत. या वर्गात वृत्तपत्राचे वाटप करणारे इत्यादी कामगार असा शासनाने उल्लेख केलेला आहे. वृत्तपत्राचा बातमीदार सुद्धा कंत्राटी तसेच अंशकालीन काम करीत असतो, या वर्गाला नोकरीची कायमस्वरूपी हमी नसल्याने शासनाने अशा बातमीदारांना असंघटीत कामगार वर्गात नोंद करून विविध फायदे मिळण्यास पात्र ठरवावे अशी आग्रही मागणी पांचाळ यांनी केली आहे. 

शासनाने असंघटीत कामगारांना " जयश्री विमा योजना " लागू करण्याचा महत्वपूर्ण निर्णय घेतला आहे. वृत्तपत्र संस्थेत बहुतांश कंत्राटी, अंशकालीन पद्धत असल्यामुळे अशा बातमीदारांना कायमस्वरुपाच्या कामाची हमी नसते. यामुळे वृत्तपत्रात काम करणारे बातमीदार तसेच सर्व कुशल अकुशल अशा कामगारांना जयश्री विमा योजनेचा लाभ मिळावा अशी मागणीही शासनाकडे केली आहे.

मागण्या मान्य करू - कामगार राज्यमंत्री गावित
जर्नालिस्ट युनियन ऑफ महाराष्ट्र या संघटनेच्या शिष्टमंडळाने महाराष्ट्र राज्य अध्यक्ष नारायण पांचाळ यांच्या नेतृत्वाखाली कामगार राज्यमंत्री राजेंद्र गावित यांची भेट घेवून बातमीदारांना असंघटीत कामगार वर्गात नोंद करण्याची तसेच " जयश्री विमा योजना " लागू करण्याची मागणी केली आहे. याबाबत संघटनेची मागणी रास्त असून आपण शासनाकडे या मागण्यांचा पाठपूरावा करून मागण्या मान्य करू असे कामगार राज्यमंत्री राजेंद्र गावित यांनी सांगितले आहे.

शुक्रवार, १५ फेब्रुवारी, २०१३

मुंबई खबरनामा : 'स' संकटाचा - राजकारणी संपादक आणि संपादक राजकारणी दोन्हीही अस्वस्थ


आमचे बरेच चाहते नेहमी मागणी करतात की, राजधानीतील काहीतरी द्या. मात्र, आम्ही पडलो छोटी माणसे, लहान तोंडी मोठा घास कसा घेणारा? आणि आपण सारे जाणतातच की बेरक्या कुणी एक नाही; आपण सारे बेरक्या आहात. चांगल्या-वाईटावर नजर ठेवून आहात. अशाच आमच्या एका मुंबईतील बेराक्याची ही पोस्ट... आम्ही खात्री करून घेतलेली; १०० टक्के सत्य! 
सध्या महाराष्ट्राच्या पत्रकारितेत 'स'वाले संपादक संकटात आहेत, अस्वस्थ आहेत. कदाचित शीर्षक वाचून आपणही अस्वथ झाला असाल, की काय ही भानगड?  कोडी कसली घालताहेत, थेट मुद्द्याला हात घाला ना. मध्यंतरी अस्सल खानदेशी भरीताची चव चाखायला एका जिल्हा पत्रकार संघात पत्रकारदिनाच्या कार्यक्रमाचे निमित्त साधून दोन बडे मुंबईकर वक्ते आले होते. दोघांचाही संबंध 'महाराष्ट्र'शी! व्हाया 'एक्स्प्रेस टॉवर' सध्या बोरीबंदल्या 'पत्र नव्हे मित्र'मध्ये दर गुरुवारी राजकीय 'ट्रिक्स' करणारा एक संपादक ज्याचा उल्लेख निमंत्रण पत्रिकेत 'राजकारणी संपादक' असा केला गेला होता. दुसरे होते योगगुरू रामदेवबाबांनी मुंबईतील ज्या बारमध्ये कार्यक्रम केला होता, ज्या बारमध्ये एक कोट्यधीश बारबाला आपल्या 'तरन्नुमी' अदा पेश करून क्रिकेटर्सनाही घायाळ करायची, त्या बारच्या मालकांच्या नव्या मराठी वृत्तवाहिनीतील संपादक. दोघांनी जबरदस्त भाषणे केली हं. अगदी पुण्यात बडे आयकर अधिकारी असलेल्या खानदेशी आयकॉन 'संदीप' साळुंखेसारखेच तुफानी बोलले दोघे 'प्रधान' वक्ते. खान्देशात असे तुफान बोलतात ते फक्त सध्या नाशिकला बदलीवर गेलेले 'भोईटे'गढीवर राहणारेच. 'तुलसी' आहे त्यांच्या अंगणात इवलीशी रोवलेली; त्यांचेही भाषण ऐकले की वाटते 'दास' व्हावे या माणसाचे! 
फार लांबयाला नको. आपण सध्या त्या दोघा खानदेशात आलेल्या पाहुण्यांपैकी पहिल्या 'ट्रिक्स'वाल्यांचे बोलूयात. कारण गेल्या गुरुवारी 'स्मार्ट मित्र'मध्ये 'ट्रिक्स' गायब झाली होती. या राजकारणी संपादकांना लक्ष्मणराव ढोबळे यांना नडणे महागात पडले. संपादकांनी आदेश दिले की यापुढे 'राजकीय युक्त्या' बंद; नाही लिहायचे ते!  कॉंग्रेसचे पार्ल्यातील आमदार व पत्रकारमित्र कृष्णा हेगडे यांनी तक्रार केल्याने हा फतवा निघाला. 'एक्स्प्रेस टॉवर'वाल्यांना काय माहितेय की बोरीबंदारातले राजकारणी किती बेरकी आहेत ते. त्यातील निम्मे तर 'प्रभादेवीतील शाळेतून' राजकारणाचे धडे गिरवून आले आहेत ते. कुणाला किती दिवस, कसे फडफडू द्यायचे आणि मग कुणाची खाट कशी, कधी, केव्हा आणि कुठे पाडायची ते प्रभादेवीतील शाळेत गेल्याशिवाय नाही कळायचे. 
आता पोहोचलोच आहोत आपण नागू सयाजी वाडीत तर तिथेच जरा डोकावून पाहूयात. अरे ही काय बातमी? म्हणे तिकडे कोकणात कुणीतरी म्हणे 'राऊत' यांना वैतागून बाहेर पडले. नाही का; आपाला संबंध नाही, ते विदर्भातले आहेत म्हणे! काय संभाषण चालते इथे प्रभादेवीत काही काळात नाही. पेपर कमी आणि राजकारणच जास्त. हे म्हणजे संपादकाच जणू राजकारणी म्हणायचे की! ते पहिले होते ते राजकारणी संपादक आणि हे संपादक राजकारणी!! त्या पाहिल्याप्रमाणेच हे दुसरे ... इथेही जाम अस्वस्थता आहे. 'स' संकटाचा इथेही आहे.कधी-कधी ना काय असते की चेला हा गुरूला भारी पडतो. इथे तसे झालेय. प्रभादेवीतील शाळेतून बोरीबंदरात पोहोचलेला जो चेला आहे ना तो इथल्या गुरूला सध्या संताजी-धनाजीसारखा सर्वत्र दिसायला लागलाय. वास्तविक दोघांच्याही राशी एकच, नाव एकच... पण कधीकधी ना काय होते की मुंगीही हत्तीला भारी पडते; त्यामुळे कधी कुणाला कमी लेखू नये, कुणाला हिणवू नये की कुणाची टर उडवू नये. 'संजय'ने ही युद्धभूमीवर न जाता, प्रत्यक्ष लढाई न लढता तिथली लाईव्ह स्टोरी ऐकाविलीच होती की.
'संजय'कथा मध्येच आली ती अशासाठी की प्रत्येकाचे कोणत्याही 'महाभारता'त योगदान, स्थान असतेच, हे विसरू नये. आता हेच पाहा, आपण आहोत प्रभादेवीत; पण इथूनच बोरीबंदरात गेलेल्या शिष्याचे 'कलानगर'मध्ये जाम म्हणजे जामच भारी संबध आहेत. आमचे कार्यात मग्न प्रमुख कधी कुणाला सांगायचे नाहीत ती गुपिते या शिष्याला सांगतात, त्याचे सल्ले घेतात आणि कामेही झटकन करतात. लहान वयात जाम प्रगती केलीय या बहाद्दराने. मानावे लागेल ह. पुण्याच्या रानडे शाळेतील शिक्षणच असते तसे जबरदस्त! आम्ही तर राज्यातील प्रत्येकाला सांगू बाबा रे पत्रकारिता शिकायची असेल ना तर जा पुण्यात ... इकडे-तिकडे कुठेही 'पीआरओ' घडविणारया शाळांमध्ये नका जावू रे!  रानडेतील शिक्षण 'व्हन'डरफुलच हं, कुणी 'माने' या ना माने! तर असा हा अवलिया शिष्य आणि त्याचे जाम भारी संबंध गुरूला नाही म्हटले तरी थोडेसे अस्वस्थ करणारच ना. पण या शिष्याने कधी गुरूला टांग नाही मारली कधी. अगदी प्रामाणिक, १०० टक्के निष्ठावान. त्याची कलानगरात सलगी वाढली हे त्याचे स्कील... त्याचा काय दोष त्यात. पण नाही... गुरूला घेरलेल्या चौकडीने कान भरले... गुरू अगदी भलतेसलते बोलून गेले शिष्याला... नको, नको ते बोलले.. शिष्य प्रामाणिक तरीही हे असले फळ म्हणून चिडलाय. त्यामुळे आता हा शिष्य चुकून कलानगरात काही करून आला तर आपली खाट पडू शकते, या जाणीवेने गुरू अस्वस्थ झाले आहेत. त्यांनी आयुष्यभर अनेकांच्या खाटा पाडल्या. अनेक चांगली माणसे चांडाळ चौकडीच्या सल्ल्यावर हकनाक गमावली. 
अहो या गुरूसाठी अख्खे आयुष्य ज्याने पणाला लावून दिले त्या आपल्याच राशीतील इमानदार, निष्टावंत्याच्या नावाचा मुळीक सॉरी मुळीच विसर पडायला नको होता. पण पडला विसर, नाही झाला 'दृष्टांत'! कानामागून आले आणि तिखट झाली अशा चौकडीतील बोलक्या बाहुल्यांची नावे आली; पण हा बिचारा नाही आठवला. युगान्त हो युगान्त आहे ... निष्ठा पदरी वाहिल्या आयुष्यभर त्याचे हेची काय फळ! बिचारा एका शब्दावर टॉवर सोडून प्रभादेवीत धावत आला... शाखाप्रमुख होता हा निष्ठावंत शिवसैनिक ... पक्षात राहिला असता तर कुठल्या कुठे गेला असता... बोन्साय केला बिचारयाचा पार बोन्साय... आणि आता साध्या नावाचा उल्लेखही नाही!! तो करेल सहन, कोकणातला गडी आहे ... पण सावंतवाडी ओलांडून पलीकडे घाटावरून पश्चिम महाराष्ट्रात गेले की कोण कशाला सहन करेल? स्वाभिमान दुखावला, वाट्टेल ते बोलले तर कुणीही चिडणारच ना! तसा हा बोरीबंदरातला शिष्य चिडलाय. ती जाणीव झाल्याने प्रभादेवीतील संपादक राजकारणी अस्वस्थ आहेत. त्यांनी मुंबईतील गुन्हेगारी पुस्तकबद्द करणारया आपल्या गुन्हेवार्ताहरामार्फत बोरीबंदरी शिष्याला निरोपही धाडला भेटायला येण्याचा; पण शिष्य काही आता मानायला तयार नाही. कसे मानणार, मनातल्या भावना ज्या काही आहेत त्या आपण टर उडवीत बोलून तर गेलात ना! आता आपल्या फायद्यासाठी माफीनामा जरी सादर केला तरी एकदा बोलून गेलेले शब्द कसे परत घेणार? 
राजकारणी संपादक आणि संपादक राजकारण्यानंतर आता वळूयात खानदेशी भरीत खायला आलेल्या दुसरया संपादकाच्या वाहिनीकडे ... बहुधा महाराष्ट्रदिनी म्हणे ही वाहिनी सुरू होईल. या वाहिनीचा मालक म्हणजे आमच्या कोकणच्या एकमेव लोकानेत्याचा एकदम खास! त्याने चक्क योगगुरू रामदेवबाबा यांना 'बार'मध्ये बोलावण्याची किमया साधली होती. काय बारबाला होती एकेक कोट्यधीश! काय त्यांच्या अदा तरन्नुमी! हा मालक म्हणजे बेटिंग धंद्यातील बापमाणूस, किंग! आमचे हृदयसम्राट यांचे निधन झाले त्यावेळी हे मालक अखेरचा  'जय महाराष्ट्र' करायलाही नव्हते. कोकणच्या नेत्यांबरोबर परदेशात फिरायला गेले होते. तर इतकी ही घट्ट दोस्ती! अशी गट्टी जणू एखादा शेट्टी ... तोही साधासुधा नव्हे महाराष्ट्रसुधाकर पुन्हा सॉरी सुधाकर नव्हे सुधारक ... महाराष्ट्रसुधारक. तर या वाहिनीत संपादकांची गर्दी झाल्याने आता राजकारण सुरू झालेय... सारी दिग्गज माणसे जमली की असेच इंडिया फॉर भारत होणार! पूर्वीचे जे सर्वेसर्वा होते ते आता नवी माणसे येत असल्याने जाम नाराज झाले आहेत. कोल्ह्याला द्राक्षे आंबेट... काय करणार. काय एकेक म्हणी आपल्या द्राक्षेच का हो आंबट, फणसे का नाही घेतली या म्हणीत.  अहो आता त्याचमुळे तर लोचा झालाय ना! त्यांचाच घेतले तर अनेकांना ते नकोहेत. म्हणे ते डोक्यावर बसविलेहेत आता त्यामुळे आणखीनच आंबेटपणा वाढलाय. आता म्हणे जग जिंकायला निघालेल्या पण 'महानगरी' दाढीवाल्या बाबाने ढुंगणावर लाथ मारून हाकललेल्यांचेच पुनर्वसन होणार... 
बरे रामदेवबाबांचे ४०००-५००० कोटी रुपये वरच्यावर फिरवीत असलेल्या कोकणी नेत्याचा मित्र असलेला मालक आता नवी मंडळी आल्याने जुन्यांची मंदारधरणी (शी! पुन्हा चूक... कृपया शुद्धलेखन समजून घ्यावे ... मनधरणी असे वाचावे) करायला तयार नाही. बरे जे नवे आलेहेत ते अनेक अटी घालून... भारतासाठीचा भारत सुरूच ठेवेन, ही मुख्य अट आहे. त्यांच्याव्यतिरिक्त आऊटपुट वाढावे म्हणून काही एडिटर आले आहेत. हे पूर्वी एक पाउल पुढे  होते... तिथून जनसामान्यांची महाशक्ती बनले. पुन्हा काय वाटले तर वर्तमानात आवडत नाही म्हणून भविष्यपत्राचा उदय कसा होतोय ते पाहायला गेले. तिथूनही पुन्हा दुसरया एका उदयकडेच प्रचंड खपाच्या एकमेव नि:पक्ष व निर्भीड दैनिककडे गेले. एकूणच इथे असे दिग्गज आता जमा होताहेत की बातम्यांचा योग मस्त जुळून येणार...

रविवार, १० फेब्रुवारी, २०१३

गांवकरीच्या नांदेड कार्यालयावर समाजकंटकांचा हल्ला

नांदेड - नांदेड जिल्हा नियोजन समितीच्या निवडणुकीत ‘शिवसेना जि.प.गटनेत्या श्रीमती वत्सलाबाई पुयड कॉंग्रेस कोट्यात’ या मथळ्याची फोटोसह बातमी दै.गांवकरीने प्रसिध्द केल्यामुळे बालाजी पुयड यांनी फोनव्दारे धमकी दिल्यानंतर दुपारी 3 वाजता त्यांच्या समर्थकांनी गावंकरीच्या कार्यालयावर दगडफेक केली. या दगडफेकीत काचेची तोडफोड करुन 20 हजार रुपयांचे नुकसान केल्याची तक्रार जिल्हा प्रतिनिधी प्रल्हाद उमाटे यांनी शिवाजीनगर पोलीस ठाण्यात दिली आहे.
जिल्हा नियोजन समितीच्या निवडणुकीत शिवसेनेने तीन अधिकृत उमेदवारांची घोषणा करुन त्यांना निवडून आणण्यासाठी गटनेत्या वत्सलाबाई पुयड यांना प्रयत्न करण्याचे आदेश दिले होते. त्यांनी पक्षाचे आदेश धुडकावून कॉंग्रेसच्या कोट्यातून ही निवडणूक लढविल्याचे सविस्तर वृत्त दै.गांवकरीने छापले होते.रविवारी सकाळी 11 वाजता वत्सलाबाई पुयड यांचे दीर बालाजी पुयड यांनी जिल्हा प्रतिनिधी प्रल्हाद उमाटे यांच्या मोबाईलवर फोन करुन ‘आमच्या विरोधात बातमी का छापली, आमच्या नादी लागणाऱ्यांना सोडणार नाही’ अशी धमकी दिली. त्यानंतर दुपारी 3 वाजता पुयड यांच्या कार्यकर्त्यांनी दै.गांवकरी कार्यालयावर दगडफेक करुन कार्यालयाच्या काचेची नासधूस करुन दहशत पसरविण्याचा प्रकार केला. या प्रकारानंतर जिल्हा प्रतिनिधी प्रल्हाद उमाटे यांनी शिवाजीनगर पोलिस ठाण्यात तक्रार दाखल करुन हे कृत्य पुयड यांच्या समर्थकांचे असल्याचे म्हटले आहे.

शुक्रवार, ८ फेब्रुवारी, २०१३

धुळे दंगल: सहा पोलीस निलंबित,10 जणांविरूध्द गुन्हा

धुळे - शहरात ६ जानेवारी रोजी झालेल्या दंगलीत एका पानटपरीची तोडफोड व लूटप्रकरणी १0 जणांविरुद्ध आझादनगर पोलिसात गुन्हा दाखल करण्यात आला आहे. त्यात राज्य राखीव दलाचे चार जवान, दोन कमांडो, एक पत्रकार आणि दोन कॅमरामन आणि एका अज्ञाताचा समावेश आहे. यापैकी एसआरपी जवान आणि पोलिस दलातील सहा जणांना दुपारी अटक करण्यात आली आहे.अटक करण्यात आलेल्या सहाही पोलिसांना तडकाफडकी निलंबित करण्यात आले आहे.

 राज्य राखीव दलाचे चार जवान व दोन कमांडो यांना न्यायालयाने एका दिवसाची पोलीस कोठडी सुनावली आहे. पोलीस कोठडीत रवानगी झालेल्या संशयितांमध्ये राज्य राखीव दलाचे एल.एस. सोनवणे, सी.आर. वेंधे, जी.डी. पाटील, डी.एस. सोनवणे, तर कमांडो जे.आर. पवार, वाय.आर. शिंदे यांचा समावेश आहे.
दंगलीतील छायाचित्रण पाहून हा गुन्हा दाखल करण्यात आला आहे. यातील काही दोषी कर्मचार्‍यांवर यापूर्वीच निलंबनाची कारवाई करण्यात आली आहे. पोलीस अधीक्षक प्रदीप देशपांडे, अपर पोलीस अधीक्षक अखिलेशकुमार सिंह व राज्य राखीव दलाच्या अधिकार्‍यांनी त्यांची चौकशी केली.
गुन्हा दाखल असलेल्या अन्य संशयितांमध्ये व्हिडिओग्राफर व्ही.एस. सावकारे, एम.एच. खैरनार, संतोष दोरकर व एक अनोळखी यांच्या नावांचा समावेश आहे. 

याबाबत पानटपरीमालक मुख्तार अहमद अबू हसन अन्सारी यांनी तक्रार दिली होती. दंगलीदरम्यान राज्य राखीव पोलिस दलाच्या जवानांनी ही टपरी फोडून त्यातून काही गुटखा बाहेर काढला होता. याबाबत सुमारे दोन मिनिटांची एक व्हिडिओ क्लिप तक्रारदार अन्सारी यांनी न्यायालयात सादर केली होती.धुळे दंगलीतील व्हिडिओ क्लीप बेरक्याने निडरपणे आपल्या ब्लॉगवर प्रसिध्द केल्यामुळे तपासाची चक्रे वेगाने फिरली. 
या दरम्यान खाकी वर्दीतील सहा पोलिस आणि एक पत्रकार आणि दोन कॅमरामन एका दुकानाची तोडफोड करून सामानाची चोरी करतांना दिसले.
या मोबाईल क्लिपचा आधार घेऊन गुन्हा दाखल करण्यात आला आहे. या प्रकरणी दहा जणांवर चोरीचा प्रयत्न केल्याचा गुन्हा दाखल करण्यात आला असून, सर्वांना अटक करण्यात आली आहे.
 त्याचा आधार घेत उपविभागीय अधिकारी वीरेंद्र गडकरी यांच्या तक्रारीवरून 10 जणांविरुद्ध गुन्हा दाखल झाला आहे. त्यात एसआरपी जवान लीलाधर शरद सोनवणे, गणेश दिलीप पाटील, सी.आर.वेंदे, डी.एस. सोनवणे, पोलिस कर्मचारी जवाहर रूपा पवार, योगेश रामलाल पवार, प्रेस कॅमेरामन व्ही.एस.सावकारे, एम.एच.खैरनार, एस.एस.दोरकर व एका अनोळखी इसमाचा समावेश आहे. तसेच इतर चौघांची नावे अद्याप स्पष्ट झाली नसल्याची माहिती पोलिसांनी दिली आहे. 

पोलिस दलातील सहा जणांना दुपारी अटक करण्यात आली आहे.अटक करण्यात आलेल्या सहाही पोलिसांना तडकाफडकी निलंबित करण्यात आले आहे.

सकाळच्या छायाचित्रकारामुळे बैलाला मिळाले जीवनदान

कोल्हापूर - दिवसभर उसाची गाडी ओढून दमलेल्या बैलाने गाडी ओढतच रस्याकडेलाच अंग टाकले; पण व्यावसायिकता पुरेपूर भिनलेल्या व ज्याच्या जिवावर दररोजची भाकरी खाणाऱ्या "मानवी वृत्ती'ने ही बाब अगदीच सहज घेतली. या बैलाला तसेच टाकून या वृत्तीने आपले इच्छित स्थळ गाठले; पण मरणकळा अनुभवणाऱ्या या बैलाला सकाळचे छायाचित्रकार बी. डी. चेचर यांच्या प्रयत्नांनी वैद्यकीय मदत मिळाली.

कोल्हापूरजवळील पंचगंगा नदीजवळील शियेपुलानजीक रस्त्याच्या कडेला असणाऱ्या चरीमध्ये हा बैल निपचित पडलेला दिसला. जवळून जाणारे अनेक दुचाकीस्वार गाडीचा वेग काहीसा कमी करत ते पाहत होते..."अरे जिवंत आहे की रे...' असे पुटपुटत या दुचाकी पुढे जात होत्या. त्या बैलाचे डोळेच त्याच्या जिवंतपणाची साक्ष देत होते. मागून ऊस भरून येणाऱ्या काही बैलगाडीमालकांशी संवाद साधला असता, "बैल जिवंत आहे, त्याला उठवू या...' असे म्हणताच या ऊसतोडणी मजुरांनी याला स्पष्ट नकार दिला. "आता ते जनावरं जगत नाही... कशाला त्याच्या नादाला लागा..' असे म्हणत मजुरांनी पुढचा रस्ता धरला.

महापालिका तसेच अशा जनावरांचे संगोपन करणाऱ्या संस्था प्रतिनिधींशीही संपर्क केला; पण प्रतिसाद "शून्य'. काही वेळानंतर पुन्हा घटनास्थळी धाव घेतली असता मानवतेची आणखीन एक क्रूरता दिसली. हा बैल उपयोगाचा नाही म्हटल्यावर त्याच्यावर इलाज न करता तो कसायालाच विकण्याचा डाव त्या बैलमालकांकडून सुरू होता. त्यानतंर जीवन मुक्ती संघटनेशी संपर्क साधला असता संघटनेचे प्रमुख अशोक रोकडे घटनास्थळी पोचले. त्यांच्या कार्यकर्त्यांनी तातडीने पोलिस ठाणे गाठले. संबंधित बैलमालकाने हा बैल कसायाला विकण्याआधीच त्याला कारखान्याकडे उपचारासाठी रवाना केले
... आणि तो उभा राहिला कारखाना परिसरात ठेवण्यात आलेल्या बैलाची तब्येत आज सुधारली आहे. आज सकाळी त्याच्या मालकाने "हर्ऱ्या' करत त्याला इशारा केला. बैल जागेवर उठून उभा राहिला. अंकुशच्या पत्नीने वाड्याची चार पाने बैलाच्या तोंडापुढे केली. बैलाने ती चघळली. बैलाला अजूनही थोडा प्रभावी उपचार मिळाला तर बैल निश्‍चित वापरात येईल, असे अंकुश म्हणतो.  

गुरुवार, ७ फेब्रुवारी, २०१३

दै.व्हिजन वार्ताच्या कोल्हापूर आवृत्तीचे शानदार प्रकाशन




मंगळवार, ५ फेब्रुवारी, २०१३

धुळे दंगल : चॅनलच्या दोन पत्रकारांचा पैश्यावर डल्ला



धुळे दंगलीत एका प्रेस फोटोग्राफर आणि चॅनलच्या दोन पत्रकारांनी एस.आर.पी.ने टपरी फोडल्यानंतर गुटखा, सिगारेट आणि पैश्यावर डल्ला मारला.त्याचा हा पुरावा...

IBN - लोकमतला लवकरच अनेकांचा 'जय महाराष्ट्र'

मुंबई - १ मे २०१३ रोजी सुरू होणा-या जय महाराष्ट्र न्यूज चॅनलचे Editor in Chief  म्हणून मंदार फणसे जॉईन झाले आहेत.फणसेच्या एन्ट्रीमुळे आय.बी.एन. लोकमतमध्ये खळबळ उडाली असून,अध्र्यापेक्षा जास्त कर्मचारी आय.बी.एन.लोकमतला जय महाराष्ट्र करणार असल्याची पक्की खबर मिळाली आहे.
ज्यावेळी मुंबईत आय.बी.एन.लोकमत न्यूज चॅनल सुरू झाले, तेव्हा निखिल वागळे Editor in Chief  तर मंदार फणसे, सुभाष शिर्के News Editor म्हणून जॉईन झाले होते. या त्रिकुटामुळे आय.बी.एन.लोकमतने एक दर्जा प्राप्त केला होता.मात्र वागळेंच्या हुकूमशाहीमुळे शिर्केनी एक वर्षातच आय.बी.एन.लोकमत सोडले.मात्र फणसेंनी कोंडमारा सहन करीत कसेतरी चार वर्षे काढली.फणसेंनी राजीनामा देण्याअगोदर आय.बी.एन.लोकमतने किमान १०० पेक्षा अधिक जणांना काढून टाकले होते.त्यात बहुतांश फणसेंचे समर्थक होते.त्यामुळे फणसे कमालीचे नाराज होते.
आय.बी.एन.लोकमतचा राजीनामा दिल्यानंतर फणसेंनी भारत फॉर इंडिया ही वेबसाईट काढून, आय.बी.एन.लोकमतचा आपला  जुना ग्रुप टिकवून ठेवला.मात्र फणसेचे नशिब आणखी फळफळले आहे.त्यांना जय महाराष्ट्र न्यूज चॅनलने Editor in Chief केले आहे.
फणसे Editor in Chief म्हणून जॉईन होताच,आय.बी.एन.लोकमतमध्ये मोठी खळबळ उडाली आहे. कारण आय.बी.एन.7 चे ब्युरो चिफ रवी आंबेकर अगोदरच  इनपूट हेड म्हणून जॉईन झाले आहेत.आता फणसेमुळे अध्र्यापेक्षा जास्त कर्मचारी, रिपोर्टर, जय महाराष्ट्र न्यूज चॅनलमध्ये जाणार असल्याची चर्चा सुरू झाली आहे.
निखिल वागळेंच्या हुकूमशाही कारभारामुळे अनेक कर्मचारी दु:खावले आहेत.वागळेंचे बगलबच्चे सोडले तर आय.बी.एन.लोकमतमध्ये कोणीही सुखी किंवा समाधानी नाही.ज्यांना पगारवाढ मिळाली नाही,किंवा ज्यांना कोणी विचारत नाही, ते सर्व जय महाराष्ट्रच्या वाटेवर आहेत.आता निमंत्रण कधी येते,याचीच ते वाट पहात आहेत.त्यामुळे निखिल वागळे गांगरून गेल्याची चर्चा चालू आहे.
 येत्या महिन्याभरात आय.बी.एन.लोकमतचा निम्मा स्टॉप जय महाराष्ट्र न्यूज चॅनलमध्ये दिसेल,हे आमचे भाकीत आहे.हे भाकीत नेहमीप्रमाणे खरे ठरणार, हे मात्र नक्की.
मंदार फणसेEditor in Chief, रवी आंबेकर इनपूट हेड आणि मुळशीदार भोईटे आऊटपूट हेड या त्रिकुटामुळे  जय महाराष्ट्र न्यूज चॅनलची मोठी चर्चा सुरू झाली आहे. हे चॅनल आता प्रत्यक्षात कसा आकार घेणार, याकडे इलेक्ट्रॉनिक मीडियाचे लक्ष वेधले आहे.

जाता - जाता : IBN - लोकमत मध्ये काही  ''बडव्यां''च्या  अति हस्तक्षेपामुळे स्ट्रीन्जर्स चे नुकसान...स्टोरीज लागत नाहीत ....  मोठ्या बातम्या लागत नाहीत ( किल केल्या जातात ) अनेक बातम्यावर इन्पुट वरील माणसांचा प्रेस्टीज इशु होतो......इन्पुट वर असलेली काही मंडळी स्वतः मालक असल्या सारखी वागतात...स्ट्रीन्जर्सशी उर्मट पणे  बोलतात ..... बूम माईक आय डी  मिळत नाही ..आयकार्ड शाळेतल्या मुलांना मिळतात त्यापेक्षा हि हलक्या दर्ज्याचे.....अनेक स्ट्रीन्जर्सने दिला  जय महाराष्ट्र ला इंटरव्ह्युव....

सोमवार, ४ फेब्रुवारी, २०१३

नागपूर 'मानबिंदू'मध्ये खो-खो चा खेळ

नागपूर - 'महाराष्ट्राचा मानबिंदू'मधील शहर विभागात काही महिन्यापासून वातावरण ‘ढवळून' निघाल्याने येथे कर्मचारी टिकत नसल्याचे चित्र आहे. परिणामी, एक गेला की दुसरा आला असा खो-खोचा खेळ सुरू आहे. त्यामुळे दर महिन्याला उपसंपादक/वार्ताहरांची भरती करावी लागत आहे.
साहेबांना ‘जान' म्हणाणारेही येथे दोन ते तीन महिन्यात त्रस्त झाले. त्यामुळेच सहाच महिन्यात पाच उपसंपादकांनी पर्र्याय शोधला आहे. ‘साहेबां'ना बडव्याप्रमाणे दोघांनी घेरले आहे. त्यामुळे इतर उपसंपादक/वार्ताहर यांचे म्हणणे त्यांच्यापर्यंत पोहोचतच नाही. येथे ‘खडे'सुद्धा असल्याने अद्याप ‘बालाजी'च्या प्रतिभेचे ‘देव' दर्शन झाले नाही. एकूणच काय तर साहेबांनी घेतलेल्या कुठल्याही नवीन माणसाला कसे फेल पाडायचे आणि आपला हेतू साध्य करण्यासाठी त्याला कसे पिटाळून लावायचे ही कला या बडव्यांना चांगलीच जमली आहे; पण यामुळे ‘साहेबां'पासून जिव्हाळ्याची माणसे तुटत आहेत. या बडव्यामुळे सध्या सगळेच त्रस्त आहेत. आपल्या शिवाय पेपरच छापून येत नाही असा समज त्यांनी साहेबांच्या मनात पसरविला आहे. ज्यांच्या लेखणीने एकेकाळी नागपूर पासून ते दिल्लीपर्यंत प्रशासनाची ‘बोबडी' वळत होती. तेही आता ‘एक्स्प्रेस'मधून उतरल्याने आणि मानबिंदूत अडकल्याने सहन करत गप्प आहेत. कधी ना कधी आपल्याला ही ‘मदतीचा हात' मिळेल. या आशेने सगळेच ससक्त पर्यायाची वाट पाहात आहेत.असे असतानाही साहेब त्यांची ‘जान'च आहेत. आपल्या 'गजानाना'वरील भक्तीमुळे ते त्यांच्या एका शब्दावर झोकून देऊन काम करायला तयार आहेत; मात्र त्यांच्या मधात बडवे उभे आहेत.

शनिवार, २ फेब्रुवारी, २०१३

बेरक्या चळवळीची दोन वर्षे...

नमस्कार मंडळी...
बेरक्या उर्फ नारद हा ब्लॉग सुरू करून, लवकरच दोन वर्षे पुर्ण होतील. २१ मार्च २०११ रोजी आम्ही हा ब्लॉग सुरू केला होता. आम्ही मुंबईहून अपडेट होत असलेल्या बातमीदार ब्लॉगचे मोठे चाहते होतो. मात्र बातमीदार ब्लॉग कालांतराने बंद पडला.आमचे मोठे बंधु बोरूबहाद्दर यांनीही लिखाण बंद केले.अशा परिस्थितीत आम्ही एकटे पडलो होतो.मात्र आपल्या पाठबळावर हे शिवधनुष्य अजूनही उचलून धरले आहे.
सुरूवातीस आम्ही काही लोकांवर विश्वास ठेवून आम्ही बातम्या दिल्या होत्या.त्यांनी आमचा वापर स्वार्थासाठी केला.मात्र ज्यावेळी ही गोष्ट आमच्या लक्षात आली,तेव्हा जे सत्य आहे, तेच देण्याचा प्रयत्न चालू आहे. काही वेळा बातम्या नसतात,त्यामुळे आठ - आठ दिवस ब्लॉग अपडेट होत नाही,मात्र याचा अर्थ ब्लॉग बंद पडला... असा होत नाही.मीडियातील प्रत्येक बातमीवर आमचे लक्ष आहे. कोणतीही बातमी दबली जाणार नाही किंवा दबणार नाही, हा बेरक्याचा शब्द आहे.
आम्ही हा ब्लॉग चालवित असताना कोणाचाही मुलाहिजा ठेवला नाही.एखादा संपादक किंवा पत्रकार कितीही मोठा असला तरी त्याची गय  कधीच केली नाही.किंवा वृत्तपत्राचा मालक कितीही मोठा असला तरी त्याच्यापुढे झुकलो नाही.पत्रकारांच्या कल्याणासाठी आणि संरक्षणासाठी  ही चळवळ आहे.
महाराष्ट्रातील तमाम बोरूबहाद्दरांना मोठा प्रश्न पडला आहे की, बेरक्या नेमका कोण आहे?
बेरक्या सर्वच ठिकाणी आहेत.आता आपण कोणाकोणाचे नाव घेणार? जे चांगले पत्रकार आहेत, ते सर्व बेरक्या आहेत.जे बदमाश आहेत, ते बेरक्याचे दुश्मन आहेत.बेरक्या हा कधीच चांगल्या पत्रकारांच्या विरोधात नाही आणि राहणार नाही.म्हणून आपणास विनंती आहे की, आपण बेरक्याला शत्रू नव्हे मित्र माना.त्याचा साक्षीदार बना.त्याला सहकार्य करा.
बेरक्याची ही चळवळ मीडियातील घाण साफ करण्यासाठी आहे. चांगल्या पत्रकारांना पाठीशी खंबीरपणे उभे राहण्यासाठी आहे.मीडियात सर्वच पत्रकार चांगलेही नाहीत आणि वाईटही नाहीत.
जे चांगले आहेत, ते आमच्या सोबत आहेत, जे वाईट आहेत, त्यांच्या विरोधात आम्ही नक्कीच आहोत.मग त्यासाठी कोणतीही किंमत मोजण्यास बेरक्या तयार आहे.बेरक्याकडे सर्व पॉवर आहे, मात्र ही पॉवर फक्त वाईटांचा नायनाट करण्यासाठी वापरली जाते.
बस्स सध्या तरी ऐवढेच.
बेरक्या ब्लॉगला दोन वर्षे पुर्ण होत असल्याबद्दल आपल्या काही सुचना जरूर कळवा.चांगल्या सुचनांचे आम्ही स्वागत करू.
पत्रकारांचा पाठीराखा...
बेरक्या उर्फ नारद

कर्मचारी कपातीच्या टांगत्या तलवारीने पत्रकार अस्वस्थ !

एका बाजुला प्रिंट आणि इलेक्ट्रॉनिक्स मीडियात झपाट्याने वाढ होत असली तरी दुसऱ्या बाजुला मात्र बहुतेक वर्तमानपत्रांच्या व्यवस्थापनाने कर्मचारी कपातीचे धोरण अवलंबण्याचा विचार सुरू केला आहे. त्यामुळे मार्च अखेर वर्तमानपत्रात काम करणाऱ्या अनेकांना बळजबरीने नारळ स्वीकारावा लागणार असल्याची विश्वसनीय माहिती बेरक्याकडे आली आहे. 
वाढती महागाई, वाढता निर्मिती खर्च आणि या तु‌लनेत दिवसेंदिवस घसरत जात असलेले उत्पन्न व्यवस्थापनाला गंभीर विचार करायला भाग पाडू लागले आहे.
गेल्या पाच सहा वर्षात नव्याने सुरू झालेली दैनिके आणि साप्ताहिके पाहिली तर ही वाढ लक्षणीय आहे. नवीन वर्तमान पत्र एखाद्या शहरात सुरू झाले तर लगेचच काही नवीन जाहिरातदार आणि नवीन वाचक तयार होतात असे नाही. जुन्या वर्तमानपत्राचे वाचक आणि जाहिरातदारच विभागले जात आहेत. त्यामुळे उत्पन्नाच्या स्त्रोतांमध्ये विभागणी सहाजिकच आहे. आता कमीत कमी कर्मचाऱ्यांमध्ये जास्तीत जास्त काम हा फंडा वापण्याशिवाय व्यवस्थापनाला पर्याय उरलेला नाही. त्यामुळे मार्च महिन्यात अनेक कर्मचाऱ्यांवर गडांतर येण्याची दाट शक्यता आहे. एका वर्तमानपत्राच्या व्यवस्थापनातील वरिष्ठ अधिकाऱ्याने दिलेल्या माहितीनुसार वीस ते तीस टक्के कर्मचारी कपातीचे धोरण काही वर्तमानपत्राचे व्यवस्थापन अवलंबणार असून इतर वर्तमानपत्रातूनही कर्मचारी कपातीचे धोरण राबविण्यात येण्याची शक्यता आहे.

आता लोकमतच्या वार्तासंकलक ते मुख्य उपसंपादकांना द्यावी लागणार पात्रता परीक्षा...

नागपूर - लोकमतच्या नागपूर प्रशासनाने परवा एक नविन फतवा काढला आहे. या फतव्यानुसार वार्तासंकलक, उपसंपादक, मुख्य उपसपादक यांना पात्रता परीक्षा द्यावी लागणार आहे. ही परीक्षा ६ किंवा ७ फेब्रुवारी रोजी होणार आहे.
 नागपूरनंतर औरंगाबाद, कोल्हापूर, पुणे,मुंबई आदी विभागातही ही परीक्षा होणार आहे. जे या पात्रता परिक्षेत नापास होतील, त्यांना घरचा रस्ता दाखविण्याचा लोकमत प्रशासनाचा इरादा आहे.पात्रता परिक्षेमुळे लोकमतच्या संपादकीय विभागातील लोकांवर एक प्रकारचे गंडातर आले आहे. या परिक्षेमुळे सध्या लोकमतमध्ये प्रचंड अस्वस्थता निर्माण झाली आहे.
आम्हाला बातमी लिहायला सांगा किंवा बातमी शोधायला सांगा पण पात्रता परिक्षा द्यायला सांगू नका, असे संपादकीय विभागाच्या लोकांचे म्हणणे आहे. बातमीचा आणि परीक्षेचा काय संबंध ? असा सूर लोकमतमध्ये निघत आहे.
काही तरी निमित्त करून, आम्हाला काढण्याचा हा कुटील डाव असून, हा डाव आम्ही उधळून लावू,असे लोकमत कर्मचारी संघटनेचे म्हणणे आहे.

ता.क.- लोकमतमध्ये संपादकीय विभागाशिवाय वितरण,जाहिरात, प्रशासन, निर्मिती,हिशोब असे विभाग आहेत.मात्र संपादकीय विभागासाठीच परिक्षा का? अन्य विभागाला परिक्षा का नाही? याचे उत्तर बाबूजी देतील का ?

शुक्रवार, १ फेब्रुवारी, २०१३

नगरमधील संपादकांना कोटीचे टार्गेट...

नगरमध्ये सध्या मीडियात अनिष्ठ प्रथा सुरू झाली आहे. जो जास्त जाहिराती मिळवून देईल तो संपादक...ज्यांना चार ओळी नीट लिहिता येत नाहीत,त्याला संपादक केले जाते.अशाच एका पत्रकाराला एका पेपरचे वृत्तसंपादक करण्यात आले आहे.जाहिरातीचे काम संपताच तो बातम्यासाठी बीट वार्ताहराप्रमाणे फिरत आहे.
सध्या सर्वच वृत्तपत्राचे वर्धापनदिन सुरू झाले आहेत. अनेक बड्या संपादकांना कोटीचे टार्गेट दिले गेले आहे. विशेष म्हणजे हे टार्गेट जाहिरात व्यवस्थापकांना नव्हे संपादकांना दिले गेले आहे. संपादक मंडळी आता बातम्यांवर संस्करण करण्याऐवजी जाहिरातीसाठी पुढाऱ्यांकडे चकरा मारीत आहेत.गतवर्षी काही पेपरच्या संपादकांनी कोटीच्या टार्गेटपोटी पुढाऱ्यांना न विचारता जाहिराती टाकल्या.त्याची बिले अजून मिळाली नाहीत.मग काय ज्यांनी बिल दिले नाहीत,त्या पुढाऱ्यांच्या विरोधात खोट्या बातम्या देण्याचे सत्र सुरू झाले आहे.
सध्या संपादकांच्या ससेमिऱ्यामुळे नगरमधील अनेक पुढाऱ्यांचे फोन स्वीच ऑफ लागत आहेत.धन्य ते संपादक आणि धन्य ती नगरची मीडिया...

मुक्काम पोस्ट मुंबई...

हा बेरक्याचा अधिकृत लोगो आहे,अन्य पत्रकारांस वापरण्यास बंदी आहे...
मुंबई मंत्रालय वार्ताहर संघाच्या निवडणुका नुकत्याच पार पडल्या. मंत्रालय विधिमंडळ वार्ताहर संघाच्या अध्यक्षपदी राजेंद्र थोरात यांची निवड झाली. तर उपाध्यक्षपदी मनीषा रेगे निवडून आल्या. संघाच्या कार्यवाहपदी मंदार पारकर, कोषाध्यक्षपदी महेश पवार, तर कार्यकारिणी सदस्यपदी खंडूराज गायकवाड , पुरूषोत्तम आवारे पाटील , विनोद यादव , राजू झनाके आणि श्यामसुंदर सोन्नर निवडून आले . निवडणुकापुरते एकमेकांच्या विरोधात ठाकलेले पत्रकार उमेदवार निवडणुकीच्या निकालानंतर क्यानटीन मध्ये एकत्र बसून चहाचे घोट घेतानाहि दिसले, आणि खर्याअर्थाने वार्ताहर संघाच्या निवडणुकांचे वादळ शमल्याचे अधोरेखित झाले .
  महाराष्ट्र टाइम्सने मुंबईतील आपला पहिला क्रमांक कायम राखला आहे. तर सर्व आवृत्यानी नवे ९४ हजार नवे वाचक जोडले आहेत . इंटरनेट , टीव्ही आणि मोबाईलच्या  वाढत्या काळातही सतत नवनवीन उपक्रम राबून , वाचकांशी संवाद प्रस्तापित केलेल्या महाराष्ट्र टाइम्सने मुंबईसह नाशिक , पुणे , औरंगाबाद , नागपूर आणि कोल्हापुरात आवृत्या सुरु करून आगेकूच केली आहे . नुकत्याच जाहीर झालेल्या ' आय आय एस २०१२' च्या ' क्यू -३ ' नुसार महाराष्ट्र टाइम्सच्या सर्व आवृत्त्यानी एकूण वाचक संखेत ९४ नव्या वाचकांची भर पडली आहे. तर ' मटा ' ने मुंबईतील प्रथम स्थान कायम ठेवले आहे 
 नवाकाळमधून हकालपट्टी केलेले राहुल लोंढे  धारप यांच्या ठाण्यातून प्रसिद्ध होणार्या दैनिक विश्वरूपच्या तंबूत आले होते. त्यांच्या कारनाम्यामुळे त्यांना तिथूनही ' नारळ ' देण्यात आला आहे.  बेळगाव तरुण भारतचे आता लवकरच दर्जेदार मासिक वाचकांना पहायला मिळणार आहे. लोकमतमध्ये विनायक पात्रुटकर यांनी नवी धडाकेबाज इनिंग सुरु केली आहे. सहकार्यासोबत रममाण होत उत्तम वृत्तसंपादनाला वक्तशीरपणाची जोड देत अनेक नवनवीन विषयाची सांगड घालायला सुरवात केली आहे. 
 टीव्ही ९ ने महाराष्टाशी  चांगलीच  जोडली आहे . लोकांच्या थेट भावनिक मुद्द्यात हात घालून एक ' कॉमन म्यान ' प्रेक्षक वर्ग आपलासा केला आहे . गाजलेली ' शाखा ९ ' ची टीम सध्या बीड , जालनासह अनेक दुशाकी भागात तळ  ठोकून बसली आहे. तेथिल शेतकऱ्यांची प्रश्न , पिण्याच्या पाण्याचे , चारा टंचाई, जनावरांचे प्रश्न चांगलेच लाऊन धरले आहेत. फक्त नारदाला खटकतो तो ' प्रमो ' ज्यात बाईनी पेपर स्टोलवर जाऊन  म्हटलंय कि , '' आता तुमच्याकडे पेपर आला नाही तरी चालेल ....'' तोच तो ! यावरून ' त्यांची ' वर्तमानपत्रा विषयीची असंवेदनशीलता स्पष्ट होते. आणि ' आम्ही केलं .. तमुक केले ' अशी शेखी मिरवली जाते . ठीक आहे तुम्हीच केलं ... पण मायबाप प्रेक्षकामुळेच ना ? त्यांना पण द्या कि थोडीफार क्रेडीट.. असो ! मागे ' फर्स्ट पोस्ट ' या इंग्रजी वेब पोर्टलने वर्तमानपत्राच्या कागदासाठी कशी जंगलतोड होते आणि निसर्ग कसा लोप पावतो याचा जावईशोध  त्यांच्याच एका जाहिरातीतून लावला होता. मुंबईत सध्या टाइम्स ऑफ इंडिया , मिड -डे , डीएनए , मुंबई मिरर , हिंदुस्तान टाइम्स या इंग्रजी दैनिकांचे सेल्स आणि मार्केटिंग विभाग चांगलेच कामाला लागले आहेत . या बहुतांशी दैनिकांचे वार्षिक वर्गणीदार वाचकांच्या तारखा संपल्या आहेत, त्यामुळे पुन्हा वाचकवर्ग गोळा करण्यासाठी फोनाफोनी , चेक जमविण्यात मग्न आहेत . प्रिंट, इलेक्ट्रोनिक मिडिया सोबत आता वेब मीडियात कमालीची वाढ होत आहे . इंटरनेट , आयफोन , ट्याबलेट्सच्या जमान्यात वाचकवर्गाला सतत अपडेट ठेवणारी वेबपत्रकारिता यंदाच्या वर्षी चांगलीच गाजण्याची समीकरणे दिसत आहेत. तर अनेक वर्तमानपत्रे आपले स्वताचे ' अप्लिकेशन ' बनवण्यात विचाराधीन असल्याचे नारदाला पुसटशी कल्पना आहे. 
 हिंदुहृदय सम्राट सन्माननीय बाळासाहेब ठाकरेंच्या निधनानंतर ' सामना ' तून लेख अथवा मतांविषयी मिडिया दखल घेते कि नाही याकडे राजकीय नेत्यांची नजर खिळली होती मात्र नुकत्याच उद्धव ठाकरेंच्या सामनातून प्रसिद्ध झालेल्या म्यारेथोन मुलाखतींची राष्ट्रीय पातळीवरिल मिडीयाने दाखल घेतली आहे . तर सामन्याच्या प्रेस लाईनवर उद्धव ठाकरेंचे नाव आता संपादक पदी लागले आहे.  व्हिजन वार्ताची नगर आवृत्ती सुरु झाली आहे . तर ' जय महाराष्ट्र ' च्यानेलचे स्वरूप कसे असणार यावर मीडियातील अनेकांचे लक्ष लागून आहे . हिंदीत एक राष्ट्रीय वृत्तवाहिनी सुरु होणार आहे . त्याची माहिती मिळताच लवकरच आपणास दिली जाईलच ! तर कल्याण - डोंबिवलीच्या पालिका पत्रकार कक्षात  कमालीची शांतता असते ती संद्याकाळी प्रेसरूम बंद झाल्यावर आणि सकाळी उघडायच्या आत . ' शिस्तप्रिय ' आणि ' बंधूभावाच्या'  प्रेमाचे ' बंध ' येथे चांगलेच दिसून येत आहे . तिकडे वसईत ' मटा ' चे ' स्टार पत्रकार ' मयुरेश वाघावर  एका 'लोहारा' ने चांगलीच घाव घातली आहे. विरारच्या रहिवासी सुनिता लोहार यांच्या कुटुंबियांना  दमदाटी , मारहाण करणाऱ्या आरोपींना मयुरेश वाघ बगल देत उलट लोहार कुटुंबियांना दमदाटी केल्याचा वाघ यांच्यावर ठपका ठेवला आहे. त्या प्रकरणी त्यांनी ' वाघा ' विरुद्ध थेट महाराष्ट्र टाइम्सचे संपादक अशोक पानवलकर यांच्याकडे रीतसर लेखी तक्रार केली आहे. आता पानवलकर ' वाघा ' विषयी काय निर्णय घेतायेत याकडे लक्ष लागून आहे. 

फेसबुक वर शेअर करा

Facebook